mini|Logo des Wilhelm-Diess-Gymnasiums Pocking

Dat Wilhelm-Diess-Gymnasium Pocking (kort WDG Pocking; ok veel Wilhelm-Diess-Gymnasium nöömt; in de Kortform WDG) is en staatlich anerkannt Gymnasium, dat de naturwissenschaftlich-technologische un neusprachliche Utbillen anbütt. De School liggt in Pocking in’n Landkreis Passau in Niederbayern un is 1948 vun Wilhelm Pliquett un Friedl Poppe as private Oberrealschule grünnt worrn. Siet 1986 driggt se den Naam vun den Schriever, Dichter un Juristen Wilhelm Diess, de ut de Region kummt.

Historie Grünnen un eerste Tiet Dat hüdige Wilhelm-Diess-Gymnasium Pocking is 1948 to’n Anfang as private Oberrealschule grünnt worrn. To de Tiet weern dat in’n Dörsnitt 46,5 Schölers in een Klass. 2013 weern dat blots noch 22,6 Schölers. Eerst hebbt se keen egen Schoolrüüm harrt, man de Landkreis Griesbach im Rottal hett en Provisoorium boot, wo 1949/50 179 Schölers ünnerricht worrn sünd. 1957 hett de School de staatliche Anerkennen kregen un 1958 is se verstaatlicht worrn. 1960 is se in dat ne’e Schoolhuus in de Indlinger Straat in Pocking tagen, dat de Zweckverband Oberrealschule Pocking boot harr. Vun 1965 bet 1967 is en Anbo kamen un mit de Kollegstufe 1971 is noch en Anbo för de gymnasiale Oberstufe boot worrn.

Naamsgever mini|Foto vun dat Graf vun Wilhelm Diess op’n Karkhoff Bogenhausen in München, opnahmen 2023.

1986 hett de School den Naam Wilhelm-Diess-Gymnasium Pocking kregen, nöömt na den Schriever, Dichter un Juristen Wilhelm Diess, de in Pocking opwassen is.

In de Aula vun de School is en Gedenktafel ut Bronze, de vun de Bildhauerin Ursula Kemser-Diess, de Dochter vun Wilhelm Diess, bi de Feiern to’n Naamsgeven enthüllt worrn is. Dor steiht dit Zitat vun’n Naamsgever op:

Hüdige Schoolrüüm An’n 7. August 1995 is de Spatenstich för den Neebo an’n Dr.-Karl-Weiß-Platz 2 ween un siet 1997 warrt in de ne’en Rüüm Ünnerricht geven.

Chronik vun de Schoolbaas Siet de School grünnt worrn is, hebbt disse Lüüd dat Amt vun’n Schoolbaas harrt: Schoolbaas Wilhelm Pliquett Therese Sachenbacher Robert Ledermann Otto Kunzfeld Franz Ullmann Bertram Zollitsch Bernd-Michael Lipke Martin Thalhammer Stefan Stadler Tiet 1948–1952 1952–1953 1953–1959 1959–1975 1975–1996 1996–2002 2002–2011 2011–2024 siet 2024

Schoolprofil Utbillensrichten As twete Frömdspraak, de af de 6. Klass (na dat Engelsch in de 5. Klass) lehrt warrt, kann een Latiensch oder Franzöösch wählen. Wenn een Latiensch wählt hett, mutt een in de 8. Klass twüschen den naturwissenschaftlich-technologischen un den spraaklichen Twieg wählen. Wenn een Franzöösch as twete Frömdspraak hett, is blots de naturwissenschaftlich-technologische Twieg mööglich. Af de 11. Klass kann een de twete Frömdspraak dör Spaansch ersetten, man een mutt sik in de 10. Klass al för disse Ännern entscheden. Wenn een Spaansch wählt, mutt een dat bet to de 13. Klass wieter maken.

In de spraakliche Utbillen warrt af de 8. Klass as drüdde Frömdspraak Franzöösch lehrt. In’n naturwissenschaftlich-technologischen Twieg sünd Physik, Chemie un Informatik de Hööftfächer.

Ünnerrichtsfächer Disse Fächer warrt an’n Wilhelm-Diess-Gymnasium Pocking in verscheden Klassen anboden: Fach Klassen Biologie 8–10 Chemie 8–11 Düütsch 5–11, Pflichtfach in 12–13 Engelsch 5–11 Franzöösch 6–11 Geographie 5, 7, 10 un 11 Historie 6–11, Pflichtfach in 12–13 Informatik 9–11 (SG blots 11) Kunst 5–10, 11 Kunst oder Musik, denn in 12–13 Latiensch 6–11 Mathematik 5–11, Pflichtfach in 12–13 Musik 5–10, 11 Musik oder Kunst, denn in 12–13 Natur un Technik 5–7 Religion (kathoolsch oder evangeelsch) oder Ethik 5–11, Pflichtfach in 12–13 Spaansch 11, Pflichtfach in 12–13 bi Wahl in de vörige Klass Sport 5–11, Pflichtfach in 12–13 Weertschop un Recht 10–11

Inföhrensklass Siet 2021 gifft dat ok en Inföhrensklass. Dor könnt Schölers mit en Middler Schoolafsluss in dree Schooljohren dat Abitur maken. In dissen Fall mutt een Spaansch as ne’e Frömdspraak nehmen, wenn een vörher blots Engelsch harr. De Schölers, de al Franzöösch as twete Frömdspraak harrn, könnt Franzöösch wieter maken oder Spaansch nehmen.

Gymnasiale Oberstufe All Fächer buten Düütsch un Mathematik (de as Leistungsfach ünnerricht warrt), könnt in de Qualifikatschoonsphaas na de Regeln för de gymnasiale Oberstufe in Bayern op Grund- oder höger Niveau (wo een Fach op dat högere Niveau wählt warrn mutt) maakt warrn, wenn de Kurs tokummt. Dorbi mutt een de Regeln för Pflicht- un Wahlpflichtfächer beacht’n.

Aktivitäten buten den Ünnerricht Apen Ganztagsschool 2012 is de Apen Ganztagsschool (OGS) för de Klassen 5–10 inricht worrn. Dat is free un de Schölers könnt dor in en good Ümgegend ehre Hausaufgaben maken un sik op den Ünnerricht vörbereiten. Dorbi help’n Pädagogen un Betreers.

Wettstrieden An’t Wilhelm-Diess-Gymnasium Pocking gifft dat jährlich Wettstrieden as den Känguru-Wettbewerb in Mathematik. Ok annere Wettstrieden ut de MINT-Fächer warrt maakt, besunners de Informatik-Biber is wichtig.

Schoolsteernwacht De School hett en Schoolsteernwacht, wo in Ünnerrichtsmodulen vun dat Fach Astrophysik un in Seminare un Wahlkursen wat över Steernkunn lehrt warrt. Ok Lüüd, de nich mit de School to doon hebbt, könnt op de Steernwacht kieken, to’n Bispeel an’n Astronomietag.

Schoolreisen Över fast all Klassen gifft dat Schoolreisen to’n Billen. In de 5. Klass föhrt een na en Schullandheim, üm sik beter to kennen to lernen. Later gifft dat Skikursen un Schöleruutwusseln. In de 10. Klass is dat Hööftthema vun de Sachsenreis de Düütsche Weddervereenigen, wo een to’n Bispeel de Stasi-Gedenkstätte Bautzen besöcht. In de 11. Klass gifft dat de Wetenschoppswaak, wo een sik mit den Klimawannel un wat een dorgegen maken kann, befaat. Ok de Berlinreis is in disse Klass.

Karrieremess Siet’n 9. Februar 2012 gifft dat elk Johr de Karrieremess horizont [sic] an’t Wilhelm-Diess-Gymnasium Pocking, wo Ünnernehmen un staatliche Organisatschonen ut’n Landkreis Passau den Schölers Beropen wiest. De Schölers ut de 10. un 12. Klass mööt dor an deelnehmen. Ok de 11. Klass un all Lüüd ut de Qualifikatschoonsphaas, de nich dor ween mööt, as ok de Öllern un Frünnen vun de School sünd willkamen.

Literatur Festschrift vun dat Gymnasium Pocking to’n Naamsgeven, Pocking, 1986. Festschrift to’n 50-johrigen Jubiläum, Pocking, 1998. Festschrift to’n 75-johrigen Bestahn, Pocking, 2023.

Weblenken Websteed vun dat Wilhelm-Diess-Gymnasium Pocking Indrag vun dat Wilhelm-Diess-Gymnasium Pocking in de bayersch Schooldatenbank

Enkeld Nahwiesen

Kategorie:Gymnasium