G. M. Hein mit vullen Naam Georg Mathias Hein (* 8. Juli 1840 in Windbargen,Wilhelm Seelmann: Die plattdeutsche Litteratur des neunzehnten Jahrhunderts, S. 81 † ? ) weer een plattdüütschen Koopmann, Schriever un Ruutgever vun dat US-amerikaansche plattdüütsche Weltblatt.
Leven
Hein keem den 8. Juli 1840 in dat Dithmascher Dörp Windbargen op de Welt. In den 1880-er Jaren trock he na Grand Island in’n US-amerikaanschen Bundsstaat Nebraska un weer dor Koopmann. Sied 1883 arbeide he mit an dat hoogdüütsch Bladd Der Herold, wo he ook af un an plattdüütsche Gedichten ruutgeev. 1888 geev he siene Arbeid as Koopmann ganz op, begünn an een Bladd för plattdüütsche Literatuur to warken un geev den 1. Januar 1889 de eerste Uutgaav vun dat Weltblatt ruut. In dat Bladd geev he sien egen realistsch Vertellens as Serienromaans ruut, kunn man ook allerhand plattdüütsche Dichters un Schrievers uut de Verenigten Staten un Düütschland för Bidrääg in sien Bladd winnen, daar mang ook grote Naams as Klaus Groth.Edith Robbins: Grand Island's Weltblatt: An Experiment in Low German, S. 71 In’n März 1890 muss he dat Weltblatt opgeven, denn dat Bladd harr nich noog Abonenten. Hein wull ook kene Reklaam in sien Bladd, so dat he dat nich länger finanzeren kunn.Edith Robbins: Grand Island's Weltblatt: An Experiment in Low German, S. 75 Nadem dat he sien plattdüütsch Bladd opgeven harr, het Hein as Ruutgever vun dat hoogdüütsche Bladd Grand Island Anzeiger und Herold arbeidt.Paul Schach: German-Language Newspapers in Nebraska, 1860-1890, S.&nsbp;101. Warken De Marschbur und sien Knecht, Serienromaan in dat Weltbatt.Edith Robbins: Grand Island's Weltblatt: An Experiment in Low German, S. 72 Lisbeth von Bremen, Serienromaan in dat Weltbatt.
Literatuur Edith Robbins: Grand Island's Weltblatt: An Experiment in Low German, in: Nebraska History Band 71 (1990), S. 71–75. (online) Paul Schach: German-Language Newspapers in Nebraska, 1860-1890. In: Nebraska History Band 65 (1984), S. 84–107.
Wilhelm Seelmann: Die plattdeutsche Litteratur des neunzehnten Jahrhunderts. In: Niederdeutsches Jahrbuch, Jg. 22, 1896, S. 49–130.
Weblenken
Footnoten
Kategorie:Mann Kategorie:Boren 1840 Kategorie:Schriever Kategorie:Rutgever Kategorie:Koopmann Kategorie:Börger von de USA