mini|Ferenc Krausz (2010) Ferenc Krausz (* 17. Mai 1962 in Mór) is en ungarsch-öösterrieksch Physiker un Hoochschoollehrer. Mit sien Forschungsteam is hüm dat as eerst gelungen, en Luchtpuls vun weniger as een Femtosekunn Düer sowohl to ertüügen as ok to meeten. De Arbeitsgrupp bruukt disse Attosekunnen-Luchtpulse, um de Bewegung vun atomarer Elektronen aftobillen. Disse Leistung markeert den Anfang vun de Attosekunnenphysik. (PDF; 14,2 MB). An‘n 3. Oktober 2023 wurr hüm gemeensam mit Pierre Agostini un Anne L’Huillier de Nobelpries för Physik tospraaken.
Akademischer Werdegang Krausz hett van 1981 bit 1985 Theoretische Physik an de Eötvös-Loránd-Universität un Elektrotechnik an de Technischen Universität Budapest studeert. Van 1988 bit 1991 hett Krausz an de TU Wien in Laserphysik bi Arnold Schmidt an dat Institut för Photonik promoveert, van 1991 bit 1993 habiliteer he an de Technische Universität Wien. 1996–1998 weer he butenordentlich Perfesser för Elektrotechnik an der TU Wien, 1999–2004 ordentlich Perfesser. Siet 2004 is he Direkter an dat Max-Planck-Institut för Quantenoptik an dat Hochschul- und Forschungszentrum Garching in Garching bi München un Inhebber vun en Lehrstohl för Experimentalphysik an de Ludwig-Maximilians-Universität München (LMU). He is Mitbegrünner un weer van 2010 bit 2019 en vun de beid Spreker vun dat Exzellenzcluster Munich-Centre for Advanced Photonics (MAP). Siet 2015 is he Grünnensdirekter vun dat Centre for Advanced Laser Applications an de LMU un siet 2019 ok Grünnens-CEO vun dat Center for Molecular Fingerprinting in Budapest.
Forschung Ferenc Krausz un sien Forschungsteam hemm dat eerstmals schafft, en Luchtpuls vun en Düer vun weniger as een Femtosekunn experimentell to demonstreeren un mit disse Attosekunnen-Luchtpulsen de inter-atomare Bewegung vun Elektronen in Echttiet wohrnehmbar to maken. Disse Ergebnisse markeeren den Anfang vun de Attosekunnenphysik.
De Vörarbeit för dissen Mielensteen hett Krausz mit sien Team in de 1990er Johren mit en ganzen Reeg vun Innovatschonen to de Wiederentwicklung vun de Femtosekunnen-Lasertechnologie bit an hör ultimative Grens– bit hen to Luchtpulsen, de den överweegend Deel vun hör Energie in en eenzigen Schwingung vun dat elektromagnetisch Feld dragen, leist. En unbedingt Vörutsetten för dat Ertüügen vun sücke kört Luchtblitze is de hoochpräzise Kontrolle vun de Verzögerung vun verscheeden Farvkomponenten vun breetbandig (witt) Lucht över en vull Oktave. De vun Krausz un Szipöcs entwickelt Speegel ut aperiodischen Multilagen (chirped mirrors) hemm so en Kontrolle eerstmals mögelk maakt un billen hüüd en wesentlichen Bestanddeel vun jede modernen Femtosekunnen-Laseranlaag. 2001 kunnen se denn eerstmals en Attosekunnen-Lichtpuls ertüügen un ok meeten..
2015 weer Krausz bi Thomson Reuters as en vun de Favoriten (Clarivate Citation Laureate) för en Nobelpries för Physik list, wiel he bannig faken ziteert wurr. Acht Johr later, 2023, kreeg he denn tatsächlich den Nobelpries gemeensam mit Pierre Agostini un Anne L’Huillier tospraaken.
Ehrungen Liddmaatschapen
2003: Liddmaat Öösterrieksch Akademie vun de Wetenschapen 2009: Fellow vun de Optical Society of America (OSA) 2011: Utwärtig Liddmaat vun de Russisch Akademie vun de Wetenschapen 2012: Liddmaat vun de Academia Europaea 2016: Liddmaat vun de Leopoldina
Pries un Utteknungen 1994: Fritz-Kohlrausch-Pries cun de Öösterrieksch Physikalische Sellschop 1996: START-Pries 1998: Carl-Zeiss-Forschungspries vun de Ernst-Abbe-Stiftung 2002: Wittgenstein-Pries 2003: Julius-Springer-Pries 2005: Ehrendokterwürde vun de Technische Universität Budapest 2006: Gottfried-Wilhelm-Leibniz-Pries 2011: Bundsverdeenstkrüüz an’n Band 2013: König-Faisal-Pries för Wetesnchap 2013: Otto-Hahn-Pries 2019: eerst Dräger vun de Wladilen Letochow Medaille vun de [Europäische Physikalische Gesellschaft|EPS]] 2022: Wolf-Pries in PhysikWolf-Preis 2022 2022: BBVA Foundation Frontiers of Knowledge Awards 2023: Nobelpries för Physik
Weblinks
DNB-Katalog Homepage vun de Grupp vun Ferenc Krausz Ferencz Krausz. Kurzbiografie in: Leopoldina Neugewählte Mitglieder 2016. Leopoldina, Halle (Saale) 2017, S. 23 (PDF)
Ferenc Krausz Indrag bi de Öösterrieksch Akademie vun de Wetenschapen
Enkeld Nahwiesen
Kategorie:Mann Kategorie:Börger von Öösterriek Kategorie:Börger von Ungarn Kategorie:Boren 1962 Kategorie:Physiker Kategorie:Nobelpriesdräger (Physik) Kategorie:Dräger vun’t Bundsverdeenstkrüüz