Elijah „Lloyd“ Coffin (* 1925 oder 1926; † 5. Mai 1983 in Belize-Stadt) weer en Politiker ut Brietsch-Honduras/Belize (PUP).
Coffin weer al fröh Maat von de 1950 nee grünnte People’s United Party (PUP). He is för de PUP bi de Wahl to’n Stadtraad von Belize-Stadt an’n 19. März 1952 in’n Raad wählt worrn. 1953 is Coffin tosätzlich to’n Vörsitter (Chairman) von de PUP wählt worrn. Bi de Wahl to’n Stadtraad an’n 19. März 1956 hett Coffin 715 Stimmen kregen un is denn to’n Viezpräsident von’n Stadtraad wählt worrn.
As dat op’n PUP-Parteidag an’n 29. September 1956 to en Flögelkampf twüschen Price-Flögel un Richardson-Flögel keem, hett sik Coffin as Chairman op Richardson sien Sied stellt.Coffin denounced Price and quit PUP in 1956, Amandala an’n 25. März 2014 De Richardson-Flögel müss ut de Versammlungshall flüchten. Wielt Richardson un de Maten von’n Richardson-Flögel to’n groten Deel in de nee grünnte Honduran Independence Party rin sünd, hett Coffin en Tied later dat Land verlaten un hett ünner annern in New York City leevt. He keem eerst üm 1962 rüm na Brietsch-Honduras trügg un hett denn dör Hülp von C. L. B. Rogers sien Weg trügg in de PUP funnen.
Bi de Wahl to’n Stadtraad von Belize-Stadt an’n 14. Dezember 1965 is Coffin as PUP-Kannedaat mit 5105 Stimmen wählt worrn. Bi de Wahl an’n 30. April 1969 is he mit 4964 Stimmen wedderwählt worrn. Coffin weer Viez-Börgermeester un is an’n 5. Januar 1971 Börgermeester von Belize-Stadt worrn. Bi de Wahl an’n 8. Dezember 1971 is he mit 4425 Stimmen wählt worrn. Bi de Wahl an’n 11. Dezember 1974 hett he 3762 Stimmen kregen un kunn dormit nich wedder in’n Stadtraad intehn.Myrtle Palacio: Belize City Council Election Results 1962 to 2003 Dormit is he ok as Börgermeester aflööst worrn von Paul Rodriguez von de UDP.
1976 hett Coffin dat Amt as Schatzmeester von de PUP övernahmen.Lawrence Vernon: A History of Political Parties in Belize 1950–1981.
He weer von’n 23. Mai 1980 bet to sien Dood na korte swore Krankheit an’n 5. Mai 1983 Präsident von’n Senaat von Belize.
Footnoten
Kategorie:Mann Kategorie:Senater (Belize) Kategorie:Börger von Belize Kategorie:Boren in dat 20. Johrhunnert Kategorie:Storven 1983 Kategorie:Maat von de People’s United Party Kategorie:Börgermeester (Belize)