Jose Salvador Espat (* 1901 in Mexiko; † 28. März 1955 in New Orleans) weer en Ünnernehmer un Politiker ut Brietsch-Honduras.
Espat is 1901 as Söhn von Abdallah Espat un Nur Elena Nakid in Mexiko boren.Self-employment and the chicle trade: The case of the Lebanese minority in the Cayo district of Belize, DOI: 10.1504/IJESB.2012.048648 Siene Öllern weren Inwannerers, de ut’n Libanon na Campeche kemen. Jose Salvador güng jüst as siene ölleren Bröder David un Domingo na Benque Viejo del Carmen in Brietsch-Honduras. Dor weer de Familie in’n Chicle-Hannel aktiv un hett Chicle för dat Ünnernehmen Wrigley’s wunnen. Espat is later Börger von Brietsch-Honduras worrn. He hett 1932 dat Ünnernehmen J. Salvador Espat Ltd. grünnt un hett denn Chicle an dat Ünnernehmen American Chicle Company verköfft.
1947 is he as Maat von’n Exekutivraad beropen un 1950 bestätigt worrn.
Von 1954 bet to sien Dood 1955 weer Espat beropen Maat von de Legislativversammlung von Brietsch-Honduras. In de Legislativversammlung hett he de Opgaav as Associate Member of Public Utilities övernahmen.
Espat is 1955 na en Operatschoon in New Orleans doodbleven.
Footnoten
Kategorie:Mann Kategorie:Politiker Kategorie:Boren 1901 Kategorie:Storven 1955