De Kaventsmann-Buckkäver (Titanus giganteus) leevt in den Regenwoold in de Tropen vun Süüdamerika un höört to de Buckkävers (Cerambycidae) mit to. Tohopen mit den Herkuleskäver is he een vun de beiden gröttsten Aarden vun Kävers up de ganze Welt un kann bit hen to 17 cm lang weern. Dat warrt vertellt, datt al mol Kävers sehn wurrn sünd, de ehr Lief schall 20 cm lang ween hebben. Kopp un Bost sünd swattbruun, just as de Deekflunken, de avers na achtern hen düütlich heller weert. An’e Keven driggt he dannige Tangen, dor schall he Bleesticken mit dörbieten könen. Siene Föhlspriete sünd för Buckkävers man kort. Carl vun Linné hett den Käver 1771 beschreven as Cerambyx giganteus. Man dor hett he keen levennigen Käver to Hand bi harrt, man bloß en Teeknung vun den franzööschen Naturforscher Louis Jean-Marie Daubenton Charles Leonard Hogue: Latin American Insects and Entomology. University of California Press, 1993. ISBN 0-520-07849-7, S. 280. Bi den Kaventsmann-Buckkäver hannelt sik dat um de eenzigste Aart vun dat monotyypsche Geslecht Titanus.Yves Bousquet, Daniel J. Heffern, Psatrice Bouchardi, Eugenio H. Nearns (2009): Catalogue of family-group names in Cerambycidae (Coleoptera). Zootaxa 2321: 1–80. Över den Käver is nich veel bekannt. He kümmt vör in den troopschen Norden vun Süüdamerika, in de Gemarken vun den Amazonas-Stroom (mit Peru)Miguel A. Monné, Eugenio H. Nearns, Sarah C. Carbonel Carril, Ian P. Swift, Marcela L. Monné (2012): Preliminary checklist of the Cerambycidae, Disteniidae, and Vesperidae (Coleoptera) of Peru. Insecta Mundi 213: 1–48.download, KolumbienClaudia Martínez (2000): Escarabajos Longicornios (Coleoptera: Cerambycidae)de Colombia. Biota Colombiana, vol. 1, núm. 1: 76–105. PDF, de Guyanas, in Brasilien is he funnen wurrn in Amapá, Amazonas, Pará, Rondônia un Mato Grosso.Miguel A. Monné (2013): Catalogue of the Cerambycidae (Coleoptera) of the Neotropical Region. Part III. Subfamilies Lepturinae, Necydalinae, Parandrinae, Prioninae, Spondylidinae and Families Oxypeltidae, Vesperidae and Disteniidae. PDF Adulte Kävers laat sik sehn vun Dezember bit Määrzmaand. Heken könnt in Lichtfallen infungen weern.José Rafael Esteban Durán: Cerambícidos exóticos del ámbito amazónico. Foresta 28 (2004): 48–55.
Belege
Weblenken
Book of Insect Records (engelsch) BBC Science & Nature: Video in de Reege Life in the Undergrowth Titanus giganteus: Species of the day. Natural History Museum London Bilder bi Entomofauna Guyane
Kategorie:Buckkävers