De Amtliche Gemeenslötel (AGS), fröher ok Amtliche Gemeendekenntall (Gemeindekennziffer GKZ), is en Tallenreeg to’n Kennen von politisch sülvststännige Gemeenden oder Gemeendefre’e Rebeete in Düütschland, de dat Statistische Bundsamt fastleggt hett.
En anner Mööglichkeit to’n Ünnerscheden is de Postleddtall.
Tosommensetten
De Gemeendeslötel besteiht tosommen ut 8 eenstellige Tallen:
De eersten beiden Tallen sünd för dat Bundsland, de 3. Tall beteekent de Bezirksregeeren (bi Lännner ohn Bezirksregeeren steit dor ene 0, obers nich bi Rhienland-Palz, Sassen-Anholt un Neddersassen, de jümher Bezirksregeren eerst in de letzten Joorn affschafft hebbt), de 4. Tall is för dee Region, de 5. Tall is för den Kreis (Stadtkreis oder Landkreis) und de 6., 7. un 8. Tall sünd för de Gemeende.
De eersten fiev Stellen warrt ok as Kreisslötel beneumt.
Bispeelen
04 0 12 000 = Bremerhoben 04 Land Bremen 0 Bezirksregeren gifft dat nich 12 Region un Kreis gifft dat nicht 000 kreisfree’e Stadt
03 3 59 014 = Düünbeudel 03 Neddersassen 3 fröhere Bezirksregeren Lüünborg 59 Landkreis Stood 014 Gemeende Düünbeudel
Bundslänner
Dat Tellen gaht för de eersten negen Bundslänner von Noorden no Süden (Nr. 01-09), achterno in chronologische Tohörigkeit to de Bundsrepublik Düütschland (Nr. 10, Saarland keum dorto) un denn in alphabetische Reeg (Nr. 11-16) för de söss niegen Bundslänner
01 Sleswig-Holsteen 02 Fre’e un Hansestadt Hamborg 03 Neddersassen 04 Fre’e Hansestadt Bremen 05 Noordrhien-Westfalen 06 Hessen 07 Rhienland-Palz 08 Baden-Württemberg 09 Bayern 10 Saarland 11 Berlin 12 Brannenborg 13 Mekelnborg-Vörpommern 14 Sassen 15 Sassen-Anholt 16 Döringen
Weblenken destatis.de/... - Statistisch Bundsamt Düütschland: Allgemeene Informatschon (hochdüütsch) destatis.de/... - Statistisch Bundsamt Düütschland: Free’e Söök mit Angaven to Inwohners un Flach (hochdüütsch)
Kategorie:Politik