Wesel () is en Dörp in de Gemeen Unnel (Samtgemeen Hanstää) in’n Landkreis Horborg, Neddersassen. De Oort höört polietsch al von öllers bi Wehlen mit bi, ok wenn Wesel vondaag de gröttere Oort is as Wehlen.

Geografie

De Oort liggt in de Lümbörger Heid un is kumplett ümgeven von dat Naturschuulrebeed Lümbörger Heid. Dat Water ut dat Rebeed flütt över Weseler Beek un Weseler Moorbeek na de Seev hen af.

De Naveröörd sünd Schierhoorn un Höpen in’n Noorden, Drumbargen, Diekshuus un Hanstää in’n Noordoosten, Niendörp un Ollsen in’n Oosten, Unnel in’n Süüdoosten, Meenern un Tunnhoff in’n Süden, Wehlen in’n Süüdwesten un Inzmöhlen un Holm in’n Noordwesten.

Historie

duum|Gasthoff Heidlust in Wesel In’n Eersten Weltkrieg sünd acht Soldaten ut Wesel fullen oder vermisst un in’n Tweten Weltkrieg 44.Onlineprojekt Gefallenendenkmäler

Verwaltungsgeschicht

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Unnel in’n Kanton Garlstörp höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Behrn in’n Kanton Garlstörp.

De Oort hett vör 1885 to de Amtsvaagdie Garlstörp von dat Amt Winsen tohöört. Blots in de Johren 1852 bet 1859 hett de Oort för en Tied to dat Amt Solzhusen höört. Na 1885 weer dat in’n Kreis Winsen un 1932 is dat Deel von’n Kreis Horborg worrn.

De Oort hett fröher to de Buurschop un later de Gemeen Wehlen mit bihöört. Düsse Gemeen is an’n 1. Juli 1972 mit de Gemeenreform in Neddersassen Deel von de Gemeen Unnel worrn.

Inwahnertall

Religion

duum|Kapell op’n Karkhoff Wesel is evangeelsch-luthersch präägt un höört to dat Kaspel von de Jakobi-Kark in Hanstää, to dat ok de Magdalenen-Kark in Unnel tohöört.

För de Kathoolschen is de St.-Maria-Kark in Äästörp tostännig, de siet 1. November 2014 to de Karkengemeen St. Petrus in Bookholt tohöört.

De Doden warrt op’n Karkhoff Wesel begraven, de en lütt Stück na Noordwesten ut dat Dörp rut liggt.

Kultur

En Denkmaal för de Fullenen ut de twee Weltkrieg’ steiht in Wesel op’n Karkhoff.

Verenen

De Schüttenvereen Wesel un Ümgegend is 1928 grünnt worrn.

Weertschop un Infrastruktur

Wesel hett en egene freewillige Füürwehr, de 1934 toeerst as Löschverband mit Handörp grünnt worrn is. Later is de Wehr egenstännig worrn.

Verkehr

Dör Wesel löppt de Kreisstraat 27, de in’n Noordwesten över Inzmöhlen un Handörp na Will an de Bundsstraat 3 ran geiht un in’n Süüdoosten na Unnel un in Sohrndörp an de Landsstraat 213. Von Wesel na Noorden föhrt de K 73 na Schierhoorn.

De nächste Autobahn is de Autobahn 7 (Afsnidd Hamborg–Hannover). De Opfohrt 41 Äästörp liggt so 13 Kilometer in’n Süüdoosten von Wesel an de K 5.

De nächste Bahnhoff is so bi fiev Kilometer wied weg in’n Noordwesten de Bahnhoff Handörp an de Heidbahn.

Scholen

De Kinner ut Wesel gaht na de Grundschool Äästörp.

Literatur

H. Schettler un I. Wischhof: Ortschronik von Wesel mit Wehlen, Meiningen und Thonhof. Unnel 1994

Footnoten

Weblenken

Kategorie:Oort Kategorie:Landkreis Horborg