Wehlen () is en Dörp in de Gemeen Unnel (Samtgemeen Hanstää) in’n Landkreis Horborg, Neddersassen.
Bi Wehlen höört ok de Öörd Meenern, Tunnhoff un Wesel mit bi.
Geografie
duum|Heidlandschop bi Wehlen De Oort liggt in de Lümbörger Heid in dat Naturschuulrebeed Lümbörger Heid. Wehlen liggt an dat Över von de Seev.
De Naveröörd sünd Holm in’n Noorden, Wesel in’n Noordoosten, Tunnhoff un Meenern in’n Oosten, Unnel un Heimbeuk in’n Süüdoosten, Einem un Ehrhoorn in’n Süden, Wintemaur an de Chaussee in’n Süüdwesten, Ottermoor un Groot Todtshoorn in’n Westen un Cordshagen, Will, Handörp un Inzmöhlen in’n Noordwesten.
Historie
In’n Eersten Weltkrieg sünd söss Soldaten ut Wehlen fullen oder vermisst un in’n Tweten Weltkrieg dree.Onlineprojekt Gefallenendenkmäler
Verwaltungsgeschicht
In de Franzosentied hett de Oort toeerst 1810 bet 1811 binnen dat Königriek Westfalen to de Mairie Unnel in’n Kanton Garlstörp höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Behrn in’n Kanton Garlstörp.
De Oort weer fröher opdeelt twüschen dat Amt Horborg un de Amtsvaagdie Garlstörp von dat Amt Winsen. To dat Amt Horborg hett blots en enkelten Hoff höört, de Rest to dat Amt Winsen. Dat is so bleven bet to’n 1. Juli 1842, as dat Amt Horborg sien Deel an dat Amt Winsen afgeven hett.Gesetze, Verordnungen und Ausschreiben für das Königreich Hannover. Jänecke, 1847, Sied 348 In de Johren 1852 bet 1859 hett de Oort för en Tied to dat Amt Solzhusen höört un denn wedder to dat Amt Winsen. Na 1885 weer dat in’n Kreis Winsen un 1932 is dat Deel von’n Kreis Horborg worrn.
De Oort hett fröher en egenstännige Buurschop un Gemeen billt. To düsse Gemeen hebbt Inzmöhlen, Meenern, Tunnhoff un Wesel mit bihöört. To Anfang dat 20. Johrhunnert is Inzmöhlen aver en egenstännige Gemeen worrn. De Gemeen Wehlen is an’n 1. Juli 1972 mit de Gemeenreform in Neddersassen Deel von de Gemeen Unnel worrn.
Inwahnertall
Oort:
Gemeen:
Religion
Wehlen is evangeelsch-luthersch präägt un höört to dat Kaspel von de Jakobi-Kark in Hanstää, to dat ok de Magdalenen-Kark in Unnel tohöört.
För de Kathoolschen is de St.-Maria-Kark in Äästörp tostännig, de siet 1. November 2014 to de Karkengemeen St. Petrus in Bookholt tohöört.
De Doden warrt op’n Karkhoff Wesel begraven.
Kultur
En Denkmaal för de Fullenen ut de twee Weltkrieg’ steiht in Wesel op’n Karkhoff.
Verenen
In’n Scheetsport sünd de Wehlener Schütten in’n Schüttenvereen Wesel un Ümgegend mit aktiv.
Weertschop un Infrastruktur
För Wehlen is de freewillige Füürwehr Wesel mit tostännig.
Verkehr
De eenzige Straat ut Wehlen rut löppt na Wesel an de Kreisstraat 27. De K 27 geiht in’n Noordwesten över Inzmöhlen un Handörp na Will an de Bundsstraat 3 ran un in’n Süüdoosten na Unnel un in Sohrndörp an de Landsstraat 213. Von Wesel na Noorden föhrt de K 73 na Schierhoorn.
De nächste Autobahn is de Autobahn 7 (Afsnidd Hamborg–Hannover). De Opfohrt 41 Äästörp liggt so 17 Kilometer in’n Süüdoosten von Wehlen an de K 5.
De nächste Bahnhoff is so bi negen Kilometer wied weg in’n Noordwesten de Bahnhoff Handörp an de Heidbahn.
Scholen
De Kinner ut Wehlen gaht na de Grundschool Äästörp.
Literatur
H. Schettler un I. Wischhof: Ortschronik von Wesel mit Wehlen, Meiningen und Thonhof. Unnel 1994
Footnoten
Kategorie:Oort Kategorie:Landkreis Horborg