Kukenbüttel () is en ehmalig Eddelgood in de Gemeen Balje (Samtgemeen Noordkeden) in’n Landkreis Stood, Neddersassen.
Geografie
De Oort liggt in Land Keden in de Masch von de Ünnerelv. Dat Water ut dat Rebeed flütt över dat Itzwöörden-Hörner Fleet, dat in de Oost münnt.
De Öörd ümto sünd de Baljer Elvdiek in’n Noorden, Balje un Fulenhoff in’n Noordoosten, Baljerdörp un Riddershusen in’n Oosten, Süderdiek in’n Süüdoosten, Wisch, Möhlenwisch un Itzwöörden in’n Süden, Olenwisch in’n Süüdwesten, Hörn in’n Westen un Nalje in’n Noordwesten.
Historie
Dat Good höört to de -büttel-Öörd un kummt in dat 17. Johrhunnert toeerst in de Oorkunnen vör.
Dat Good hett de Familie von Engel tohöört. De eerste ut de engelsche Lien weer Hans Heinrich Engel, en Grootsöhn von Johannes Angelus. As de Familie Engel in de Mannslien utstorven is, hett Agnes Magdalene von Engel dat Good kregen. Se harr Claus Benedikt von der Decken freet un so is dat Good in Besitt von de Familie von der Decken övergahn. Över Agnes Magdalene un Claus Benedikt jemehr Dochter Margarethe Marie von der Decken is dat Good övergahn an Carl Christian von der Decken.
Goodsherrn
–1769: Carl Christian von der Decken 1769–1794: Carl Heinrich von der Decken
–1885: Burchard Friedrich von der Decken 1885–1924: Benedikt von der Decken
Verwaltungsgeschicht
De Oort hett vör 1852 to dat Kaspel Balje von dat Grevengericht Freeborg tohöört un denn von 1852 bet 1885 to dat Amt Freeborg. Na 1885 weer dat in’n Kreis Keden, de 1932 Deel von’n Landkreis Stood worrn is.
De Oort hett fröher to de Hauptmannschop un Buurschop Nalje tohöört, de later Deel von de Gemeen Balje worrn is.
Inwahnertall
Religion
Kukenbüttel is evangeelsch-luthersch präägt un höört to dat Kaspel von de Marienkark in Balje.
Footnoten
Kategorie:Oort Kategorie:Landkreis Stood