miniatur|Henri Cornet Henri Jardy, nömmt Cornet, (* 4. August 1884 in Desvres; † 18. März 1941 in Prunay-le-Gillon) weer en franzöösch Radrennfohrer.
Bekannt wurr Henri Cornet, as he in dat Öller vun knapp 20 Johren 1904 de Tour de France winnen kunn. He hett aber dissen Sieg eerst an‘ gröönen Tisch reckt, as man de eerst veer vun dat Gesamtklassement Bedroog nahwiesen kunn. Se harrn Afkörten nommen oder de Streck per Bahn torüchleggt. Disqualifizeert wurrn Maurice Garin (de Titelverteidiger), Lucien Pothier, César Garin un Hippolyte Aucouturier.
Cornet is bit hüüd de jüngste Winner vun de Tour de France. Trotz dissen Spood un den Sieg 1906 bi dat Eendagsrennen Paris–Roubaix tell Cornet nich to de Elite vun den dormaligen Radsport. He weer Profi van 1904 bit 1912.
Cornets Platzeeren bi de Tour de France 1904 – Tour-Sieger 1905 – utscheeden 1906 – nich deelnommen 1907 – utscheeden 1908 – 8. Platz 1909 – utscheeden 1910 – 16. Platz 1911 – 12. Platz 1912 – 28. Platz
Weblinks
Palmarès – List vun de Erfolge un Platzeeren Henri Cornet in de Datenbank van Radsportseiten.net
Kategorie:Mann Kategorie:Börger von Frankriek Kategorie:Radrennfohrer (Frankriek) Kategorie:Boren 1884 Kategorie:Storven 1941