Ooltstadt (dt. Altstadt) is en Stadtdeel vun Kiel. Mit 34,7 Hektar (31. Dezember 2010) is de Ooltstadt vun de Flach her de lüttste Stadtdeel vun KielDie Sozial- und Strukturdaten aus den Kieler Stadtteilen 2010 (PDF; 1,4 MB). Wenn en dat mit de Situatschoon vör den Tweten Weltkrieg vergliekt, hett de Ooltstadt blots noch wenig Inwahnerinnen un Inwahners. End 2014 sünd dat 654 wesen. De Naverstadtdelen sünd Düsternbrook in’n Noorden, Damperhoff in Noordwesten un de Vörstadt in Süüdwesten. Över de Föörd liggt Gaarden-Oost.
Historie Twischen 1233 un 1242 grünnt Graaf Adolf IV. vun Holsteen Kiel op en Halfeiland vun zirka 18 Hektar (vundaag Ooltstadt). Blots in Noordoosten geevt dat en Verbinden mit dat Fastland. De Kieler Föörd un de Lütte Kiel, en Meerarm, verdeffendeert de niege Siedeln. De eersten Lüüd hebbt den Oolen Markt, de Däänsche Straat, de Fläämsche Straat, de Haßstraat, de Holstenstraat (bit in’t 15. Johrhunnert Brüchstraat), de Kehdenstraat, de Küterstraat, de Pfaffenstraat, de Slottstraat (fröher Borgstraat), un de Schohmakerstraat anleggt. Butendem hebbt se in Süüdoosten vun’n Marktplatz de Nikolaikark un to’n Schuul vun de Stadt an de eenzig Verbinden mit ’t Land in Noordoosten vun’t Halfeiland en Borg buut. In’t 15. Johrhunnert hett en de Borg to’n Slott grötter maakt. Op de anner Siet stellt de Holstenbrüch en Verbinden to de groten Straten in Süüden dorHans-G. Hilscher, Dietrich Bleihöfer: . Führt siet 2005 dör dat Amt für Bauordnung, Vermessung und Geoinformation vun de Landshööftstadt Kiel, (Februar 2017) (op www.kiel.de).
Bekannte Oorten Nikolaikark (evangeelsch-luthersch) Kieler Slott Lütte Kiel un Bootshaven Holstenstraat Dat Schippfohrtsmuseum Kiel an’n Satorikai
Weblenken Commons: Altstadt (Kiel) (dt.) Förderkreis Kieler Altstadt e.V. (dt.) Kieler Ooltstadt in’t Stadtwiki Kiel (dt.)
Enkelt Nawiesen
Kategorie:Kiel