duum|Luftbild von Nackenbüttel von Süüdwesten keken (2012) Nackenbüttel () is en Oort in de Gemeen Oterndörp (Samtgemeen Land Hadeln) in’n Landkreis Cuxhoben, Neddersassen.
Geografie
De Oort liggt in de Masch von de Ünnerelv in Hadeln. Dat Water warrt över Gravens na de Mehm un na’n Haadler Kanaal hen afföhrt.
De Naveröörd sünd Mahrdörp in’n Noordoosten, Bahrdörp in’n Oosten, Königswisch in’n Süüdoosten, Westerwöörden in’n Süden, Kochenbüttel, Wellingsbüttel un Oterndörp in’n Süüdwesten un Mariendaal un Beufleet in’n Noordwesten.
Historie
Nackenbüttel kummt 1482 as Nackenbuttel toeerst in de Oorkunnen vör.
Verwaltungsgeschicht
De Oort hett vör 1852 to dat Kaspelsgericht Oosterenn-Oterndörp in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort hett bet 1929 to de Gemeen Oosterenn-Oterndörp tohöört. As düsse Gemeen 1929 oplööst worrn is, is Nackenbüttel an de Stadt Oterndörp kamen.
Inwahnertall
Religion
Nackenbüttel is evangeelsch-luthersch präägt un höört to dat Kaspel von de Severus-Kark in Oterndörp.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
För Nackenbüttel is de freewillige Füürwehr Oterndörp mit tostännig.
Verkehr
Dör Nackenbüttel löppt de Bundsstraat 73, de in’n Westen över Olenbrook na Cuxhoben geiht un in’n Süüdoosten över Neehuus, Kumbarg un Hemmoor na Stood.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 17 Kilometer in’n Westen von Nackenbüttel an de B 73.
De nächste Bahnhoff is knapp dree Kilometer wied weg in’n Süüdwesten de Bahnhoff Oterndörp an de Nedderelvbahn von Cuxhoben na Hamborg.
Scholen
De Kinner ut Nackenbüttel gaht na de Grundschool Oterndörp.
Footnoten
Weblenken
Kategorie:Oort Kategorie:Landkreis Cuxhoben