Besenhalm () is en Oort in de Gemeen Oterndörp (Samtgemeen Land Hadeln) in’n Landkreis Cuxhoben, Neddersassen.
Geografie
De Oort liggt in de Masch von de Ünnerelv in Hadeln. Dat Water ut dat Rebeed warrt över Gravens na de Mehm hen afföhrt.
De Naveröörd sünd de Hoff Mariendaal in’n Oosten, Oterndörp in’n Süüdoosten, Aßel un de Smeelweg in’n Süden, dat Oosterenn von Olenbrook in’n Süüdwesten un Schodenbüttel un Müggendörp in’n Westen.
Historie
Verwaltungsgeschicht
De Oort hett vör 1852 to dat Kaspelsgericht Westerenn-Oterndörp in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort hett bet 1929 to de Gemeen Westerenn-Oterndörp tohöört. As düsse Gemeen 1929 oplööst worrn is, is Besenhalm an de Stadt Oterndörp kamen.
Inwahnertall
Religion
Besenhalm is evangeelsch-luthersch präägt un höört to dat Kaspel von de Severus-Kark in Oterndörp.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
För Besenhalm is de freewillige Füürwehr Oterndörp mit tostännig.
Verkehr
An Besenhalm langs löppt de Kreisstraat 4, de in’n Westen na Olenbrook geiht un in’n Oosten na Oterndörp. Över beide Öörd kann een na de Bundsstraat 73 kamen, de von Olenbrook in’n Noordwesten na Cuxhoben löppt un von Oterndörp in’n Süüdoosten över Neehuus, Kumbarg un Hemmoor na Stood.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so ölven Kilometer in’n Westen von Besenhalm an de B 73.
De nächste Bahnhoff is veer Kilometer wied weg in’n Süüdoosten de Bahnhoff Oterndörp an de Nedderelvbahn von Cuxhoben na Hamborg.
Scholen
De Kinner ut Besenhalm gaht na de Grundschool Oterndörp.
Footnoten
Kategorie:Oort Kategorie:Landkreis Cuxhoben