De Luhne is en Beek in’n döringschen Unstrut-Hainich-Kreis. De Born liggt op de oosten Sied von dat Bövere Eiksfeld bi Küllstedt.
Verloop
Na Büttstedt münnt in dat Klooster Anrode de Gieße in de Luhne, de von Wachstedt her kummt. En tosätzlichen Toloop kummt ut de Fischdieken von dat Klooster. De Luhne flütt denn dör Bickenriede un Lengefeld un nimmt hier den Steingraben un Rodegraben op. Kort bevör se bi Ammern in de Unstrut münnt, flütt noch de Schildbach in de Luhne. Von de Unstrut flütt dat Water wieder över Saale un Elv in de Noordsee.
Hoochwaterschutz
Bi Starkregen un wenn de Snee smölt, stiggt de Waterstand gau an un överswemmt nich blots de Dörper an de Luhne, man ok Ammern un de Stadt Mühlhausen. Dorüm is von 1952 bet 1954 dat Hoochwatertrügghollbecken Luhne-Lengefeld anleggt worrn.
Footnoten
Weblenken
Kategorie:Stroom Kategorie:Döringen