Fährhoff () is en lütten Oort in de Gemeen Söttmer (Samtgemeen Söttmer) in’n Landkreis Rodenborg, Neddersassen.

Geografie

De Oort liggt dicht bi de Wümm. Dat Water ut dat Rebeed flütt deelwies över’n Reithbeek na de Wümm af un deelwies direkt över de Wümm. In’n Süüdwesten doot de beiden Naturschuulrebeden Vossbargen un Fährhoff liggen.

De Naveröörd sünd Söttmer in’n Noorden, Hassendörp un Waaschen in’n Noordoosten, Ünnerst un Ahusen in’n Süüdoosten, Hellweeg in’n Süden, Postdörp un Wümmingen in’n Süüdwesten, Evernhusen un Dodenbarg in’n Westen un Stuckenbossel un Barkhoff in’n Noordwesten.

Historie

Verwaltungsgeschicht

In de Franzosentied von 1810 bet 1814 hett de Oort to de Mairie Horß in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Söttmer in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.

De Oort is von öllers al Deel von de Gemeen Groot Söttmer, de an’n 1. Januar 1929 mit de Gemeen Lütt Söttmer to de Gemeen Söttmer tohoopgahn is. Mit de Gemeenreform in Neddersassen an’n 1. März 1974 is de Gemeen Söttmer denn noch wedder grötter worrn.

Inwahnertall

Religion

Fährhoff is evangeelsch-luthersch präägt un höört to dat Kaspel von de Georg-Kark in Söttmer.

För de Kathoolschen is de Corpus-Christi-Kark in Rodenborg tostännig.

Weertschop un Infrastruktur

För Fährhoff is de freewillige Füürwehr Söttmer mit tostännig.

Verkehr

Dör Fährhoff löppt de Kreisstraat 205, de in’n Noorden na Söttmer an de Bundsstraat 75 ran geiht un in’n Süüdoosten na Hellweeg un Ahusen un an de Bundsstraat 215. De B 75 föhrt in’n Noordoosten na Rodenborg, Scheeßl un Töst un geiht in’n Westen in de Landsstraat 168 över, de na Otterbarg löppt.

De nächste Autobahn is de Autobahn 1 (Afsnidd Hamborg–Bremen). De Opfohrt 50 Stuckenbossel liggt so fiev Kilometer in’n Noordwesten von Fährhoff an de B 75.

De nächste Bahnhoff is so bi dree Kilometer wied weg in’n Noordoosten de Bahnhoff Söttmer an de Bahnlien Hamborg–Bremen.

Scholen

De Kinner ut Fährhoff gaht na de Grundschool Söttmer. Na de 4. Klass wesselt se op de Oberschool Söttmer oder op dat Gymnasium Söttmer.

Footnoten

Kategorie:Oort Kategorie:Landkreis Rodenborg (Wümm)