Höperhöben () is en Dörp in de Gemeen Boitzen (Samtgemeen Söttmer) in’n Landkreis Rodenborg, Neddersassen.

Geografie

Dat Water ut dat Rebeed flütt över Weidbeek un Jeerbrookgraven na de Wiest hen af.

De Naveröörd sünd Mulmshoorn in’n Noorden, Borchel in’n Noordoosten, Boitzen un Luhn in’n Süüdoosten, Waaschen in’n Süden, Jeerhoff un Hassendörp in’n Süüdwesten, Clüversbossel in’n Westen un Sleßel, Platenhoff un Bittst in’n Noordwesten.

Historie

Verwaltungsgeschicht

In de Franzosentied von 1810 bet 1814 hett de Oort to de Mairie Rodenborg in’n Kanton Rodenborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Söttmer in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.

De Oort weer fröher en egen Buurschop un later en egen Gemeen. De Gemeen Höperhöben is an’n 1. März 1974 mit de Gemeenreform in Neddersassen Deel von de Gemeen Boitzen worrn.

Inwahnertall

* tohoop mit Jeerhoff

Religion

Höperhöben is evangeelsch-luthersch präägt un höört to dat Kaspel von de Johannes-de-Döper-Kark in Horß. Düsse Kark is 1963 boot un 1989 as Karkengemeen egenstännig worrn. Vörher hett Jeerhoff to dat Kaspel von de Georg-Kark in Söttmer höört.

För de Kathoolschen is de Corpus-Christi-Kark in Rodenborg tostännig.

De Doden warrt op’n Karkhoff Höperhöben/Jeerhoff begraven, de in de Midd twüschen de beiden Öörd liggt.

Kultur

An’n drüdden Wekenenn in’n September warrt in Höperhöben traditschonell dat Oornfest veranstalt.

Verenen

De Schüttenvereen Boitzen-Höperhöben is 1927 grünnt worrn. För den Sport gifft dat butendem den TSV Boitzen-Höperhöben, de an’n 7. Mai 1965 grünnt worrn is.

Weertschop un Infrastruktur

Höperhöben hett en egene freewillige Füürwehr.

Verkehr

Dör Höperhöben löppt de Kreisstraat 202, de in’n Noordwesten na Sleßel, Bittst un Taaken geiht un in’n Süüdoosten över Boitzen na de Bundsstraat 75 bi Waaschen. De B 75 föhrt in’n Westen na Söttmer, Stuckenbossel un Otterbarg un in’n Noordoosten na Rodenborg, Scheeßl un Töst. En lüttjere Straat geiht von Höperhöben na Mulmshoorn an de B 71. De B 71 löppt in’n Noorden na Zeven un Bremervöör un in’n Süüdoosten över Rodenborg na Soltau.

De nächste Autobahn is de Autobahn 1 (Afsnidd Hamborg–Bremen). De Opfohrt 49 Bokel liggt so söss Kilometer in’n Noorden von Höperhöben an de B 71.

De nächste Bahnhoff is so bi negen Kilometer wied weg in’n Süüdoosten de Bahnhoff Rodenborg an de Bahnlien Hamborg–Bremen.

Scholen

De Kinner ut Höperhöben gaht na de Grundschool Boitzen.

Footnoten

Kategorie:Oort Kategorie:Landkreis Rodenborg (Wümm)