Siet 2011 finnt Plattsounds as en Wettstriet för junge Lüüd in Neddersassen statt. Dat Ziel is, dat junge Lüüd plattdüütsche Musik maakt un de ole Spraak dordörch fördert warrt. Meisttieds sünd üm un bi teihn Bands or Interpreten mit ganz ünnerschiedliche Musikoorden dorbi. En poor vun de Landschoppen un Landschopsverbännen richt den Wettstriet ut.
Beschrieven Plattsounds verbinnt moderne Musik mit de plattdüütsche Spraak. Junge Lüüd twüschen 15 un 30 Johr sett sik so mit de Spraak beter utenanner. De Deelnehmers sünd mit Rock, Pop, Punk, HipHop, Rap, Metal, Glam Metal, Stoner Rock, Rockabilly, Acapella, Electro-Soul-Dance un Psychedelic dorbi ween. Se singt in’n Wettstriet blots op Plattdüütsch. Bi dat Översetten griept de Landschoppen, Landschopsverbänn un dat Institut för nedderdüütsche Spraak (INS) jem ünner de Arms.
De Jury sett sik tosamen ut Lüüd, de wat vun Spraak, Musik or Medien verstaht. Kloor is, dat de Gewinner vun Plattsounds deelnehmen dörv an dat Semifinale vun „Local Heroes“ in Neddersassen. „Local Heroes“ is en Veranstalten vun de Landesarbeitsgemeinschaft Rock.
Geschicht Plattsounds is nich kommerziell un schall dorto bidregen, datt de plattdüütsche Spraak bewohrt un fördert warrt. Vun 2011 bit 2014 hett Plattsounds in Ollenborg stattfunnen, 2015 in Ossenbrügge, 2016 in Schüttrup/Eemsland, 2017 in Celle. 2018 finnt de Wettstriet in Leer statt.
Plattsounds is en Akschoon vun „Platt is cool“. Vun 2011 an höört dor de Emsländische Landschop, de Lümborgsche Landschopsverband, de Ollenborgsche Landschop, de Landschopsverband Ossenbrügge, de Oostfreske Landskup, de Landschopsverband Stood un de Landschopsverband Weser-Hunte to.
Et gifft en europäischen Bandwettstriet, wo de Deelnehmers in jümehr Regionalspraak singt. Dat is „Liet International“; 2012 is de Band „The Voodoelectric“ dorför na Asturien föhrt. 2014 hett de Band „The Paintbox“ in Ollenborg bi „Liet International“ mitmaakt.
Bi Plattsounds maakt ok Gast-Bands mit. „De Tüdelband“ un „De Fofftig Pens“ sünd Bispele dorför.
Utteken 2011 wör dat Projekt „Plattsounds“ bi den „Nord West Award“ vun de Bremer Landesbank in Finaal ween. Se hebbt denn en Film över Plattsounds maakt.
Winners Johr Oort Winner 2011 Ollenborg Voodoolectric 2012 Ollenborg Mia blüht 2013 Ollenborg Lichtjahr 2014 Ollenborg The Paintbox 2015 Ossenbrügge Toni Trash 2016 Schüttrup/Eemsland Sebastian Baumert & Band 2017 Celle De Winnewupps 2018 Leer Apollo Circus 2019 Stood Marie Diot 2020 Online as Livestream Majanko 2021 Stadthagen UrSolar 2022 Bronswiek Garage 3.1.3 2023 Leer Circuit Breach 2024 Lingen Majanko 2025 Ossenbrügge Rice of Jesus
Weblinks
Internettoptritt vun Plattsounds (hoochdüütsch) Akschoon "Platt is cool" (hoochdüütsch)
Footnoten
Kategorie:Neddersassen Kategorie:Plattdüütsch Kategorie:Musikfestival Kategorie:Ollnborg Kategorie:Spraakaktivismus Kategorie:Wettstriet