Oosterheid oder Oosternheid () is en Deel von’n Oort Oosterholt in de Gemeen Oosterholt-Scharmbeek in’n Landkreis Oosterholt, Neddersassen.

Geografie

De Oort liggt op’n Rand von de Oosterholter Geest hen na de Masch un dat Moor an de Hamm, de knapp twee Kilometer in’n Süüdoosten langsflütt. Dat Water ut dat Rebeed flütt över Gravens na’n Oosterholter Havenkanaal un na’n Oosterholter Beek un denn in de Hamm.

De Naveröörd sünd Oosterholt in’n Noordoosten, Heidkamp in’n Oosten, Waakhusen in’n Süüdoosten, Nedderenn in’n Süden, Lintel in’n Süüdwesten un Scharmbeek in’n Noordwesten.

Historie

Verwaltungsgeschicht

In de Franzosentied von 1810 bet 1814 hett de Oort to de Mairie Oosterholt in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Huusvaagdie Oosterholt in dat Amt Oosterholt tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.

De Oort höört von öllers bi de Gemeen Oosterholt mit bi. Oosterholt hett mit Scharmbeek un dree annere Gemenen 1927 de ne’e Gemeen Oosterholt-Scharmbeek billt, de mit de Gemeenreform in Neddersassen an’n 1. März 1974 noch grötter worrn is.

Inwahnertall

Religion

Oosternheid is evangeelsch-luthersch präägt un höört to dat Kaspel von de Marien-Kark in Oosterholt.

För de Kathoolschen is de Hillige-Familie-Kark in Oosterholt tostännig.

Weertschop un Infrastruktur

Verkehr

Dör Oosternheid löppt de Kreisstraat 5, de in’n Noordoosten na Pennigbüttel un in’n Westen an de Bundsstraat 74 geiht. De B 74 föhrt in’n Noordoosten an Hambargen un Gnarrenborg langs na Bremervöör un in’n Süüdwesten na Hu’e un Bremen-Noord. In Heidkamp geiht na Süden de K 9 von de K 5 af, de in’n Süden na Sankt Jürgen löppt (un von dor de K 8 na Leendaal).

De Opfohrt 16 Bremen-Noord op de Autobahn 27 (Afsnidd Bremen–Bremerhoben) un de A 270 liggt so acht Kilometer in’n Süüdwesten von Oosternheid.

De nächste Bahnhoff is en poor hunnert Meter wied weg in’n Noorden de Bahnhoff Oosterholt-Scharmbeek an de Bahnlien Bremen–Bremerhoben.

Nich wied weg, in Heidkamp, liggt ok de Haven von Oosterholt, de över den Oosterholter Havenkanaal an de Hamm anbunnen is.

Footnoten

Kategorie:Oort Kategorie:Landkreis Oosterholt