Wosbossel () is en Dörp in de Gemeen Hullnst (Samtgemeen Hullnst) in’n Landkreis Horborg, Neddersassen. To Wosbossel höört von öllers al de Poppeermöhl von Starsbeek mit to. Wosbossel sülvs weer aver ok to keen Tied en egen Gemeen un hett al jümmer to Hullnst mit tohöört.

Geografie

De Oort liggt dicht bi’n Starsbeek.

De Naveröörd sünd Starsbeek in’n Noorden, Mesborg un Emm in’n Noordoosten, Hullnst in’n Süüdoosten, Holtörp in’n Süüdwesten, Resbossel in’n Westen un Rahmstörp in’n Noordwesten.

Historie

Nadem Graaf Dierk III. von Katelnborg von sien Vader Land arvt harr, hett he bi dat Stiften von dat Klooster Katelnborg dissen Besitt dat Klooster mitgeven. In de Oorkunn von’n 11. November 1105, de dor von berichten deit, kummt de Naam Athelwordesburstel vör. Dor weer wohrschienlich Wosbossel mit meent.

In’n Eersten Weltkrieg sünd negen Soldaten ut Wosbossel fullen oder vermisst un in’n Tweten Weltkrieg 18.Onlineprojekt Gefallenendenkmäler

Verwaltungsgeschicht

In de Franzosentied von 1810 bet 1814 hett de Oort to de Mairie Hullnst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to de Vaagdie Hullnst von dat Amt Mesborg tohöört. Von 1859 bet 1885 weer dat in dat Amt Töst un von 1885 bet 1932 in’n Kreis Horborg. 1932 is dat Deel von’n ne’en un grötteren Kreis Horborg worrn.

Inwahnertall

Religion

Wosbossel is evangeelsch-luthersch präägt un höört to dat Kaspel von de Andreas-Kark in Hullnst.

För de Kathoolschen is de St.-Petrus-Kark in Bookholt tostännig.

Kultur

En Denkmaal för de Fullenen ut de twee Weltkrieg’ steiht in Wosbossel an de Hauptstraat.

Weertschop un Infrastruktur

För Wosbossel is de freewillige Füürwehr Hullnst mit tostännig.

Verkehr

duum|Oortsschild mit plattdüütschen Naam Dör Wosbossel löppt de Kreisstraat 62, de in’n Noordwesten na Rahmstörp an de K 17 geiht un in’n Süüdoosten na Hullnst an de Landsstraat 141. De L 141 föhrt in’n Süden na Töst un in’n Noorden över Mesborg na Buxthu. De K 17 löppt von Rahmstörp in’n Noordwesten na Beekdörp an de L 130 un in’n Oosten na Mesborg.

De nächste Autobahn is de Autobahn 1 (Afsnidd Hamborg–Bremen). De Opfohrt 45 Hullnst liggt so dree Kilometer in’n Süüdoosten von Wosbossel an de L 141.

De nächste Bahnhoff is so bi ölven Kilometer wied weg in’n Noorden de Bahnhoff Buxthu an de Nedderelvbahn von Cuxhoben na Hamborg. De Bahnhoff Töst liggt 14 Kilometer in’n Süden an de Bahnlien Hamborg–Bremen. Von 1902 bet 1968 hett dat ok Personenverkehr op de Bahnlien Bremervöör–Bookholt geven. De nächste Bahnhoff an disse Bahnlien weer een Kilometer in’n Noorden in Starsbeek.

Wosbossel hett Oortsschiller, op de ok de plattdüütsche Naam blangen den hoochdüütschen mit opsteiht.

Scholen

De Grundschölers ut Wosbossel gaht na de Grundschool Hullnst.

Literatur

Wilhelm Marquardt: Chronik der Gemeinde Hollenstedt. Mit Emmen, Ochtmannsbruch, Staersbeck, Wohlesbostel (Landkreis Harburg). Gemeen Hullnst, Hullnst 1986

Footnoten

Kategorie:Oort Kategorie:Landkreis Horborg