Georg Arnold von Spilker (* 5. Januar 1722 in Stood; † 30. November 1794 ok dor) weer en düütschen Jurist.
Von Spilker is 1722 as Söhn von Sophia Eleonora, borene Gackenholz, un Johann Hinrich von Spilker (24. März 1675–20. Juni 1746) in Stood boren. He hett sik an’n 12. April 1741 för en Studium von de Juristeree an de Universität Göttingen inschreven.Gunnar Henry Caddick: Die Hannöversche Landsmannschaft an der Universität Göttingen von 1737 - 1809, Göttingen 2009, Nr. 00158 Ok an de Universität Kiel hett he studeert.
He weer Justizraad un Hoffgerichtsassesser bi de Justizkanzlie Stood un dat Hoffgericht Stood. 1784 is he Viezdirekter von de Justizkanzlie Stood un dat Hoffgericht Stood worrn. 1786 is he tosätzlich Viezdirekter von dat Kunsistorjen in Stood worrn. 1787 hett he den Posten as Direkter von de beiden Gerichten un dat Kunsistorjen övernahmen un is dat bet to sien Dood 1794 bleven.Ernst Wilhelm Gustav Schlüter: Die Ordnung des Königlichen Hof-Gerichts der Herzogthümer Bremen und Verden. Herold & Wahlstab, Lümborg 1833, Sied 243
Dat Good Poggmöhlen hett he för 36.000 Rieksdaler köfft.Allgemeines Teutsches Adels-Lexicon. Dieterich Anton Harmsen, Hamborg 1776, Sied 161
To sien 50. Deenstjubiläum hett he an’n 23. Dezember 1793 von de Universität Kiel en Ehrendokter in de Juristeree kregen.Schleswig-Holsteinische Provinzialberichte: 1794. Altona/Kiel 1794, Sied 95
Sien Söhn weer Friedrich Anton Georg von Spilker (1755–1812).
Footnoten
Kategorie:Mann Kategorie:Börger von Düütschland Kategorie:Jurist Kategorie:Boren 1722 Kategorie:Storven 1794