Christian Friedrich Rudorff (* 1. April 1765 in Zeven; † 21. Juli 1824 in Winsen) weer en hannöverschen Verwaltungsbeamten.
Rudorff is 1765 as Söhn von Melusine Wilhelmine, borene de Launay (1738–6. Juni 1802; Dochter von Georg de Launay), un den Amtsschriever Friedrich Ludwig Rudorff (8. März 1726–7. März 1795) in Zeven boren.Hans-Cord Sarnighausen: in Jahrbuch 91 (2012) der Männer vom Morgenstern, Bremerhoben 2013, ISBN 978-3-931771-91-1, Sied 179
He hett 1783 en Studium von de Juristeree an de Universität Göttingen anfungen. Na dat Studium is he in’n hannöverschen Verwaltungsdeenst gahn un 1788 Auditer bi dat Amt Blomendal worrn. 1791 hett he as Amtsschriever bi dat Amt Harpstäe anfungenAnnalen der Braunschweig-Lüneburgischen Churlande. Bänn 3-5, Pockwitz, Hannover 1791, Sied 789, 1792 bi dat Amt Himmelpoorten, 1794 bi dat Amt Hitzacker un 1797 bi dat Amt Wölpe. Von 1800 bet 1802 weer he Amtsschriever bi dat Amt Neehuus un denn von 1802 bet 1817 Amtsschriever bi dat Amt Heien. 1817 is he Amtmann in dat Amt Winsen worrn un dat bet to sien Dood 1824 bleven.
Rudorff hett an’n 8. Januar 1807 in Heien Helena Juliana Friederica Tiensch (* 16. September 1787; Dochter von Christoph Albrecht Tiensch) freet. De beiden harrn de Döchter Sophie Johannette Therese Rudorff (27. September 1810–27. März 1868; hett Carl August Bernhard Biedenweg freet) un Caroline Sophie Mathilde (hett Carl Ludwig Georg Hüpeden freet).
Footnoten
Kategorie:Mann Kategorie:Beamten Kategorie:Boren 1765 Kategorie:Storven 1824