Dat Amt Neehuus weer en Verwaltungsrebeed in dat Hartogdom Sassen-Loonborg, in dat Königriek Hannover un in de prüüßsche Provinz Hannover binnen de Landdrostie Lümborg mit Seet in Neehuus. Dor hett groff dat Rebeed von de hüdige Gemeen Amt Neehuus tohöört.

Dat Leid över dat Amt harr bet 1867 en Amtmann, de twete Beamte weer bet 1816 de Amtsschriever. In de Prüßentied na 1867 hett de eerste Beamte Amtshauptmann heten.

Historie

Na’n Dood von Hartog Julius Franz von Sassen-Loonborg schullen siene Döchter dat Hartogdom arven, aver de Kaiser hett dat Rebeed intagen un an de Hartöög von dat Förstendom Lümborg vergeven. Dor över hett dat Stried mit den Graaf von Holsteen (de in Personalunion König von Däänmark weer) geven. Eerst mit’n Hambörger Vergliek von 1693 hett Holsteen bigeven un Sassen-Loonborg hett mit dat Amt Neehuus to Lümborg höört.

1811 hett Frankriek ünner Napoleon dat Amt innahmen. In disse Franzosentied hett dat to dat Departement von de Elvmünnen un direkt to dat Kaiserriek Frankriek höört. Neehuus weer in disse Tied de Seet von den Kanton Neehuus. 1813 müssen de Franzosen dat Amt denn opgeven un de ole Stand is wedderkamen.

Na’n Wiener Kungress 1815 is ut dat Kurförstendom Bruunswiek-Lümborg dat Königriek Hannover worrn. Hannover hett dorbi Loonborg an Holsteen afgeven. Dat Amt Neehuus is liekers bi Hannover bleven.

1820 hett dat Amt Bleikd sien Deel von Sumt un Krusendörp an dat Amt Neehuus afgeven, de beiden Öörd weren vörher twüschen de Ämter opdeelt.

To’n 28. September 1844 is dat Gericht Wähningen oplööst un Deel von dat Amt Neehuus worrn.Christian H. Ebhardt: Gesetze, Verordnungen und Ausschreiben für das Königreich Hannover. 1846–1850. Vandenhoeck und Ruprecht, Göttingen 1851, Sied 156

1848 weer dat Amt so 186,54 km² groot.

Bi de Verwaltungs- un Justizreform an’n 1. Oktober 1852 in dat Königriek Hannover hett dat Amt Neehuus de Delen von Raffatz un Gauswarder tokregen, de vörher to dat Amt Hitzacker höört hebbt. As Gericht för dat Amt is to’n 1. Oktober 1852 dat Amtsgericht Neehuus inricht worrn. Bi de Verwaltungsreform 1859 sünd dor tosätzlich noch all de Rebeden von dat Amt Hitzacker tokamen, de op dat rechte Över von de Elv legen.

Nadem dat Königriek Hannover 1866 an Prüßen kamen is, sünd 1867 Stüürkreise in de ne’e Provinz Hannover inricht worrn. Dat Amt hett denn to’n Stüürkreis Dannenbarg tohöört.

Bi de Verwaltungsreform in Prüßen to’n 1. April 1885 is dat Amt Neehuus oplööst worrn un dor is tohoop mit dat Amt Bleikd de Kreis Bleikd von worrn.

Öörd Stand 1848

Öörd ahn egen Nummer hebbt to dat Dörp mit bihöört, ünner dat se ünnerstaht, un weren dormit nich kumplett egenstännig.

+ Huusvaagdie Oort Lüüd Hüüs Aard Status 1 Neehuus 874 87 Flecken Gemeen 2 Groot Banratz 38 4 Dörp Gemeen 3 Lütt Banratz 43 4 Dörp 4 Bahldamm 13 1 Forsthuus keen Gemeen 5 Kattenzien 323 34 Dörp Gemeen Forsthuus un Windmöhl Kattenzien 17 2 ahn Gemeen 6 Darchau 133 16 Dörp Gemeen Windmöhl Darchau 2 1 Möhl ahn Gemeen 7 Dellien 264 29 Dörp Gemeen 8 Gröne Jäger 19 2 Forsthuus keen Gemeen 9 Gülstörp 50 6 Dörp Gemeen 10 Gülz 47 6 Vörwark keen Gemeen 11 Hoor 395 39 Dörp Gemeen 12 Halvmeesteree an de Heid 7 1 keen Gemeen 13 Kaunau 171 19 Dörp Gemeen 14 Krusendörp 145 16 Dörp Gemeen 15 Groot Kühren 51 4 Vörwark keen Gemeen 16 Paupelau 133 18 Dörp Gemeen 17 Preiten 160 18 Dörp Gemeen Good Preiten mit de Fähr, de Meieree, de Tegelee un dat fröhere Forsthuus Bullenholt 113 10 Eddelgood ahn Gemeen 18 Rosien 264 27 Dörp Gemeen 19 Stapel 540 58 Dörp Gemeen 20 Sükau 439 40 Dörp Gemeen 21 Sumt 246 30 Dörp Gemeen 22 Vuckfey 125 13 Dörp Gemeen+ Vaagdie Vergünn Oort Lüüd Hüüs Aard Status 1 Bohnenborg 240 25 Dörp Gemeen 2 Koorßen mit’n Koorßer Kroog 466 44 Dörp Gemeen 3 Falkenhoff 5 1 Forsthoff keen Gemeen 4 Gauswarder 77 7 Dörp Gemeen 5 Gauditz mit de Windmöhl 236 25 Dörp Gemeen 6 Haveckenborg 11 1 Forsthoff keen Gemeen 7 Laak 125 11 Dörp Gemeen 8 Laav 248 25 Dörp Gemeen 9 Pinnau 219 23 Dörp Gemeen 10 Pummau 95 11 Dörp Gemeen 11 Privlack 162 15 Dörp Gemeen 12 Raffatz 28 4 Dörp Gemeen 13 Lütt Rassau 44 3 Dörp Gemeen 14 Stix 148 15 Dörp Gemeen Vörwark Stix 10 1 Vörwark ahn Gemeen 15 Tripkau 481 49 Dörp Gemeen Möhl Tripkau 9 1 Möhl ahn Gemeen 16 Vergünn 73 7 Dörp Gemeen 17 Wähningen 181 23 Dörp Gemeen Good Wähningen 123 9 Eddelgood ahn Gemeen 18 Wilkensdörp 148 16 Dörp Gemeen 19 Zeetz 227 22 Dörp Gemeen Heidkraug oder Nee-Zeetz 27 3 enkelte Hööv

Inwahnertall

Amtlüüd

1704–1717: Johann Reinhold Winter 1717–1723: Johann Dietrich Flebbe 1723–1739: Gustav Ernst Schmidt 1740–1764: Johann Wilhelm Reinbeck 1764–1770: Philipp Nicolaus Westphal –1790: Albrecht Johann von Reinbeck 1791–üm 1836: Drost Claus Otto Benedix von der Decken üm 1836–1846: Amtmann Eberhard Christian Compe 1846–1853: Carl August Bernhard Biedenweg 1853–1868: Ludwig Sarnighausen 1868–1872: Adolf von Nickisch-Rosenegk 1872–üm 1880: August Christoph Adolf Michaelis üm 1880–1885: August von Harling (as Verwalter)

Amtsschrievers

~1779: Heinrich Conrad Conrades ~1794: Johann Friedrich Dieterichs ~1803: August Philipp Schubert

Footnoten

Kategorie:Amt Kategorie:Kurförstendom Hannover Kategorie:Königriek Hannover Kategorie:Provinz Hannover Kategorie:Gifft dat nich mehr