De Gertruden-Kapell weer en Kapell vör de Stadtdoren von Stood. De Kapell weer verbunnen mit en Spital. Nöömt is se na de Hillige Gertrud.
De Kapell leeg vör dat Schipperdoor, an de Steed, an de vondaag de Kreisverkehr Bremervörer Straat/Schipperdoorstraat/Glückstädter Straat/Hogenwedeler Weg liggt.Adolf Brockmann: Spuren von St. Gertruden, Hamburger Abendblatt an’n 23. Juni 2005
Historie
duum|Gertruden-Altor von de Cosmae-Kark De Kapell kummt 1384 toeerst in de Oorkunnen vör un dat Sekenhuus 1450.500 Jahre Rosenkranz-Gotteshülfe-Brüderschaft 1482–1982
Üm Sekenhuus un Kapell hett sik de Gertruden-Bröderschop von de Broerknechten kümmert, de in dat 16. Johrhunnert toeerst nawiest is. Ut de Bröderschop is later de Broerknechten-Gill worrn, de ok vondaag noch in Stood besteiht. En Plastik von de Hillige Gertrud steiht vondaag in dat Swedenspieker-Museum. Dat Museum hett de Plastik von dat Huus Knechthusen köfft, wat von öllers dat Huus von de Broerknechten-Gill weer. Wohrschienlich stammt de Plastik ut de Kapell.
De Kapell is 1712 afbraken woorn, as de Dänen de Stadt Stood belagert hebbt.
Na disse Tied is dat Sekenhuus aver wedder opboot worrn un is ok as Armenhuus för Froonslüüd bruukt worrn. De Gebüüd weren ok as Pesthoff bekannt un hebbt noch bet 1955 bestahn. In dat Johr sünd se afreten worrn, as de Stadt de Glückstädter Straat nee boot hett.
In de Cosmae-Kark steiht vondaag de Gertruden-Altor, de wohrschienlich fröher in de Kapell stünn. De Altor stammt ut de Tied üm 1500 un hett al 1652 in de Nicolaus-Kark stahn, bet de 1934 ok afbraken worrn is.
Footnoten
Kategorie:Kark Kategorie:Landkreis Stood Kategorie:Gifft dat nich mehr