Hermann Lindemann (* 1880 in Osterburg; † 1952) weer en düütschen Jurist.
Lindemann is 1880 as Söhn von Elisbeth, borene Placke, un den Landgerichtsraad Hermann Lindemann in Osterburg in de Oltmark boren. De Offzeer Georg Lindemann weer sien Broder. He hett Juristeree an de Universitäten Göttingen, München un Lausanne studeert. Na dat Studium weer he Referendar un is Gerichtsassesser in Hameln worrn. 1909 keem he as Gerichtassesser in’n Bezirk von dat Oberlandsgericht Posen un is dor in Schroda, Gnesen, Ostrowo un Posen insett worrn.
Op sien eerste Richtersteed is he an’n 6. Mai 1912 beropen worrn, as Amtsrichter von dat Amtsgericht Vandsburg.Die Landgerichtspräsidenten op http://www.landgericht-verden.niedersachsen.de Dor hett he an’n 1. Juni 1912 anfungen.
1914 is he Soldaat in’n Eersten Weltkrieg ween. Nadem he verwunnt worrn is, hebbt se em na disse Tied in de Militärverwaltung insett, in’n Süden von Litauen. Na’n Krieg weer he wedder an dat Amtsgericht Vandsburg, dat dat Düütsche Riek an Polen afgeven müss, nadem 1919 de Versailler Verdrag in Kraft treden is. To’n 1. August 1919 is he an dat Amtsgericht Lüchow versett worrn, is denn aver doch noch wedder for en Tied trügg na Vandsburg. Utreisen ut Polen dröff he eerst wedder an’n 2. März 1920.
He is to’n 1. Mai 1920 as Amtsrichter an dat Amtsgericht Bassen wesselt un 1924 as Landgerichtsdirekter an dat Landgericht Veern.Westpreussen-Jahrbuch. C. J. Fahle, 2001, Sied 43ff Von 1938 bet 1945 weer he Präsident von dat Landgericht Veern.
In Veern weer Lindemann ok Föhrer von’n Stahlhelm un Stormbannföhrer bi de SA.
Na’n Tweten Weltkrieg is he nich wedder in’n Justizdeenst övernahmen worrn.
Lindemann weer Eersten Bisitter von de Stadt Veern un hett von 1942 bet 1945 de Geschäften von’n Börgermeester föhrt.Ronald Klee: Das Chaos wächst und die NS-Verwaltung beginnt Dokumente zu vernichten. Akten werden verbrannt, Kreiszeitung an’n 14. April 2015
Lindemann hett 1910 in Posen freet. He harr mit siene Fro de Kinner Inga (1911–2002), Hildegard (* 1913) un Hermann (11. September 1916–22. Februar 1951).Verdener Familienforscher e.V.: Domfriedhof Verden Domfriedhof Nr.: Abteilung I, Reihe 4
Footnoten
Kategorie:Mann Kategorie:Jurist Kategorie:Boren 1880 Kategorie:Storven 1952 Kategorie:Börger von Düütschland