miniatur|Roger D. Kornberg wiels de Würdigung an de Stanford University
Roger David Kornberg (* 24. April 1947 in St. Louis, Missouri) is en US-amerikaansch Biochemiker un Perfesser för Strukturbiologie an der Stanford University Medical School. In dat Johr 2006 wurr hüm de Nobelpries för Chemie tospraaken.
Leven Kornberg is dat Öldste vun dree Kinner vun de Biochemiker Sylvy un Arthur Kornberg, den lateren Nobelpriesdräger för Medizin. 1967 hett he dat Studium an de Harvard University mit en Bachelor of Science afslooten, um denn för sien Dokterarbeit nah Stanford to wesseln, de he 1972 ok afslooten hett. Kornberg gung doruphen to en Postdoc-Upenholt nah Cambridge. 1976 wurr he Assistant Professor (etwa dat wat in Düütschland Juniorperfesser is) an de Harvard Medical School un kehr 1978 för en Professur in de Strukturbiologie nah Stanford torüch.
In dat Johr 2010 wurr he in de Leitung vun dat russisch Innovatschonszentrum bi Skolkowo beropen.
Wetenschaplich Arbeit Roger D. Kornberg wurr 2006 för sien Arbeiten to de molekularen Grundlagen vun de eukaryotischen Transkriptschoon, dat is de komplementäre Afschrift vun de genetischen Informatschonen vun den Zellkarn up de Ribonukleinsüeren, mit den Nobelpries för Chemie uttekent. Speziell geiht dat in sien Forschung um dat Enzym RNA-Polymerase, dat de Synthese vun Ribonukleinsüeren katalysiert. De Struktur un de naue Wirkmechanismus vun dissen Enzymkomplex wurr dorbi ünner annern vun den düütsche Perfesser Patrick Cramer wiels de sien Tiet as Postdoktorand in Kornberg sien Labor entslöötelt.Patrick Cramer, David A. Bushnell, Jianhua Fu, Averell L. Gnatt, Barbara Maier-Davis, Nancy E. Thompson, Richard R. Burgess, Aled M. Edwards, Peter R. David un Roger D. Kornberg: Architecture of RNA polymerase II and implications for the transcription mechanism. In: Science. Band 288, 2000, S. 640–649, PMID 10784442
Kornberg is up de Probleme vun de eukaryotischen Transkriptschoon stött, as he in de fröh 1970er Johren bi Francis Crick un Aaron Klug an de Universität Cambridge in England arbeiten dee.
Den Medizinnobelpries 2006 kreeg sien Kolleeg an de Stanford University Medical School, Perfesser Andrew Zachary Fire, för Forschungen up dat Rebeet vun de Utpräägen un Ünnerdrücken vun Genen.
Utteknungen 1981: Eli Lilly Award in Biological Chemistry 1997: Harvey-Pries vun de Technion 1999 in de American Academy of Arts and Sciences wählt 2000: Gairdner Foundation International Award 2002: ASBMB-Merck Award 2002: Pasarow Award för Krebsforschung 2002: Prix Charles-Léopold Mayer 2003: Massry-Pries 2005: General Motors Cancer Research Foundation’s Alfred P. Sloan, Jr. Prize 2006: Louisa-Gross-Horwitz-Pries 2006: Nobelpries för Chemie
Literatur Hinrich Boeger, David A. Bushnell, R. Avis, J. Griesenbeck, Y. Lorch, J. Seth Strattan, K. D. Westover un Roger D. Kornberg: Structural basis of eukaryotic gene transcriptions. In: FEBS Letters. Band 579, 2005, S. 899–903 Kenneth D. Westover, David A. Bushnell und Roger D. Kornberg: Structural basis of transcription. Separation of RNA from DNA by RNA polymerase II. In: Science. Band 303, Nr. 5660, 2004, S. 1014–1017. Patrick Cramer; David A. Bushnell, Jianhua FuAverell L. Gnatt, Barbara Maier-Davis, Nancy E. Thompson, Richard R. Burgess, Aled M. Edwards, Peter R. David und Roger D. Kornberg: Architecture of RNA polymerase II and implications for the transcription mechanism. in: Science. BAnd 288, 2000, S. 640–649. Seth A. Darst, Elizabeth W.Kubalek und Roger D. Kornberg: Three-dimensional structure of Escherichia coli RNA polymerase holoenzyme determined by electron crystallography. In: Nature. Band 340, Nr. 6236, 1989, S. 730–732.
Webllenken
Homepage der Arbeitsgruppe Roger D. Kornberg up de Sieden vun den Nobelpries (engelsch) Video vun en Vördrag vun Kornberg to dat Thema eukaryotische Transkriptschoon „47 Years After Father, Son Wins a Nobel, Too“, New York Times, 5. Oktober 2006
Enkeld Nahwiesen
Kategorie:Mann Kategorie:Börger von de USA Kategorie:Biochemiker Kategorie:Chemiker Kategorie:Nobelpriesdräger (Chemie) Kategorie:Boren 1947