Thierry Claveyrolat (* 31. März 1959 in La Tronche, Rhône-Alpes; † 7. September 1999 in Vizille bi Grenoble) weer en franzöösch Radrennfohrer. He gull as Klauterspezialist, wat hüm den Ökelnaam Adler von Vizille inbroch.
Thierry Claveyrolat hett söben Mal an de Tour de France deelnommen un wunn dorbi 1990 för dat Team RMO dat Trikot vun den besten Bargfohrer. Sien best Ergevnis bi de Tour reck he 1986 as he up den 17. Platz in de Gesamtwertung keem.
In' Rahmen vun en Perzess gegen 19 nordfranzöösche Rennfohrer in Laon in' Oktober 1986 hett Claveyrolat de verboden Innahm vun Amphetaminen inrüümt.Ralf Meutgens (Hrsg.): Doping im Radsport. Delius Klasing, Builefeld 2007, ISBN 978-3-7688-5245-6, S. 261.
An' 7. September 1999 hett he sück in Vizille bi Grenoble dat Leven nommen, nahdem he veer Week tovör in en Autounfall mit veer Swoorbesehrten verwickelt ween weer. Tovör harr he ok all swoor Depressionen leeden.Richard Moore: In Search of Robert Millar. HarperSport, London 2007, ISBN 978-0-00-723501-8, S. 303.
Palmarès 1986 Twee Deelstrecken Dauphiné Libéré
1987 een Deelstreck Dauphiné Libéré
1989 een Deelstreck Dauphiné Libéré een Deelstreck Tour du Limousin
1990 een Deelstreck (St. Gervais) Tour de France een Deelstreck Dauphiné Libéré
1991 een Deelstreck (Morzine) Tour de France
1993 Tour du Haut-Var Trophée des Grimpeurs GP Ouest France-Plouay Coupe de France
Enkeld Nahwiesen
Weblenken Thierry Claveyrolat in de Datenbank vun de Tour de France (franzöösch) Thierry Claveyrolat in de Datenbank vun Radsportseiten.net
Kategorie:Mann Kategorie:Börger von Frankriek Kategorie:Radrennfohrer (Frankriek) Kategorie:Boren 1959 Kategorie:Storven 1999