Neenslüüs () is en lütten Oort in de Gemeen Kumbarg (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi Geversdörp mit bi.
Geografie
Neenslüüs liggt in de Masch von de Oost an de Krummendieker Wettern. In’n Westen liggt dat Naturschuulrebeed Snook.
De Naveröörd sünd Süderdiek in’n Noorden, Wetterdiek in’n Oosten, Olendecken un Portshemm in’n Süden, Snook in’n Süüdwesten, Geversdörp in’n Westen un Itzwöörden un Wisch in’n Noordwesten.
Historie
De Oort is as Weertshuus an de ne’e Slüüs an de Krummendieker Wettern grünnt worrn un hett dorvon ok sien Naam.
Verwaltungsgeschicht
Neenslüüs hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort höört von öllers bi de Gemeen Geversdörp mit bi, de an’n 1. November 2016 Deel von de Gemeen Kumbarg worrn is.
Inwahnertall
Religion
Neenslüüs is evangeelsch-luthersch präägt un höört to dat Kaspel von de Andreas-Kark in Geversdörp.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
Verkehr
In’n Noordoosten von Neenslüüs löppt de Kreisstraat 26, de na en kort Enn in’n Landkreis Stood to de K 6 warrt, na Süderdiek an de Landsstraat 111. Ans gifft dat Straten in’n Oosten dör Wetterdiek an de K 10, in’n Süden över Olendecken un Portshemm na Bentwisch un Öberndörp un in’n Westen na Itzwöörden an de L 111.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 31 Kilometer in’n Noordwesten von Neenslüüs.
De nächste Bahnhoff is so bi negen Kilometer wied weg in’n Süüdwesten de Bahnhoff Kumbarg an de Nedderelvbahn.
Footnoten
Kategorie:Oort Kategorie:Landkreis Cuxhoben