Neendiekerdörp () is en Oort in de Gemeen Kumbarg (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi Geversdörp mit bi.
Geografie
Neendiekerdörp liggt in de Masch von de Oost.
De Naveröörd sünd Neendiek un Marn in’n Noorden, Good Neendiek in’n Noordoosten, Laak mit’n Heuhoff in’n Oosten, Oostercaadwisch in’n Süden, Freenhoff, Klint un Kumbarg in’n Süüdwesten un Braak un Neenseebagen in’n Noordwesten.
Historie
Verwaltungsgeschicht
De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort höört von öllers bi de Gemeen Geversdörp mit bi, de an’n 1. November 2016 Deel von de Gemeen Kumbarg worrn is.
Inwahnertall
Religion
Neendiekerdörp is evangeelsch-luthersch präägt un höört to dat Kaspel von de Andreas-Kark in Geversdörp.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
Verkehr
Neendiekerdörp liggt an en Blangenstraat von de Kreisstraat 25, de in’n Süüdoosten över Laak na Öberndörp geiht un in’n Noordwesten na Geversdörp un an de Landsstraat 111.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 31 Kilometer in’n Noordwesten von Neendiekerdörp.
De nächste Bahnhoff is so bi söven Kilometer wied weg in’n Süüdwesten de Bahnhoff Kumbarg an de Nedderelvbahn.
Footnoten
Kategorie:Oort Kategorie:Landkreis Cuxhoben