duum|Luftbild von dat Noorderenn von Bülkau von Noorden ut keken, de Spreng is ganz ünnen an’n Rand von dat Bild De Spreng () is en lütten Oort in de Gemeen Bülkau (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi Bülkau mit bi.
Geografie
De Spreng liggt in de Masch von de Au. In’n Westen löppt de Haadler Kanaal langs.
De Naveröörd sünd Kedenbrook in’n Noorden, Diekslipp un Austood in’n Noordoosten, Au un Westercaadwisch in’n Oosten, dat Noorderenn von Bülkau in’n Süden, Ophusen in’n Süüdwesten un Oosterbrook in’n Westen.
Historie
Verwaltungsgeschicht
De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
Inwahnertall
Religion
De Spreng is evangeelsch-luthersch präägt un höört to dat Kaspel von de Johannis-Kark in Bülkau.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
Verkehr
Dör de Spreng löppt de Landsstraat 144, de in’n Noordoosten över Kedenbrook na Neehuus an de Bundsstraat 73 ran geiht un in’n Süden över Bülkau un Goddshem na Steenau. In’n Oosten geiht en lüttjere Straat över Au un Westercaadwisch na Kumbarg un in’n Westen de Kreisstraat 16 över Oosterbrook na Oterndörp.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 20 Kilometer in’n Noordwesten von’e Spreng.
De nächste Bahnhoff is so bi söss Kilometer wied weg in’n Oosten de Bahnhoff Kumbarg an de Nedderelvbahn. Bet 1991 harr noch de Bahnhoff Neehuus apen, de blots veer Kilometer weg weer.
Footnoten
Kategorie:Oort Kategorie:Landkreis Cuxhoben