Ulrike Kriener (* 24. Dezember 1954 in Bottrop) is en düütsche Schauspelerin.
Leven Kriener is in Overhus upwussen. Van 1976 bit 1979 wurr se an de Schauspeelschool in Hamborg to en Schauspelerin utbildt. De Regisseur Berengar Pfahl hett hör 1977 noch wiels hör Utbillen för sien Feernsehmehrdeeler Britta insett. Se speel de engste Früendin vun de vun Verena Plangger dorstellt Titelfigur. Dornah övernehm se in mehreren Produktschonen vun Pfahl Hööftrullen. Nah de Schauspeelschool gung se an dat Slotttheater in Moers, 1983 an de Städtischen Bühnen in Freeburg in'n Breisgau un later an dat Residenztheater München. Doris Dörrie hett hör 1985 för hör Film Im Innern des Wals instellt. De folgen Arbeiten mit de Regisseurin Dörrie hemm hör den endgültigen Döbröök brocht, un se hörrt siet de spoodriek Kummedie Männer, in de se de Ehefru vun Heiner Lauterbach speel, to de beleevtesten Schauspelerinnen in Kino un Feernsehen. Siet 2003 speel se de Titelrull in de ZDF-Saterdagskrimi-Reeg Kommissarin Lucas; bit April 2015 wurrn bitlang 22 Folgen utstrahlt. 2008 kunn man hör in de Feernseh-Mehrdeeler Die Gustloff ünner de Regie vun Joseph Vilsmaier neben Michael Mendl, Kai Wiesinger un Dana Vávrová as Marinehülpskraft Berta Burkat sehn.
Ulrike Kriener is siet 1992 mit den Regisseur un Schauspeler Georg Weber verheiraadt. In dat sülvig Johr verlor dat Ehepaar kört nah de Gebort den eersten Söhn. De tweete Söhn Paul keem 1995 to Welt. Siett 2005 sett sück Ulrike Kriener as Schermherrin för dat Kinder-Hospiz vun de Malteser in München in. Daröver herut ünnerstütt se dat Projekt Costura! e. V. – Verein zur Unterstützung brasilianischer Frauen und ihrer Kinder. Se is Botschopperin vun de Kampagne Bewusstsein für Brustkrebs.Bayerisches Staatsministerium für Umwelt und Gesundheit
Filmografie (Utwahl) Johr Titel 1977 Britta, Feernsehn 1981 Komm doch mit nach Monte Carlo 1982 Schnitzeljagd, Feernsehn 1984 Deutschland-Tournee, Feernsehn 1985 Im Innern des Wals 1985 Männer 1986 Der Flieger 1989 Bodo – Eine ganz normale Familie 1989 Geld 1990 Der Hammermörder, Feernsehn 1989-92 Das Nest, Feernsehreeg 1992 Herr Ober! 1993 Justiz 1996 Tote sterben niemals aus 1997 Die Gang, Feernsehreeg 1998 Lisa Falk – Eine Frau für alle Fälle, Feernsehreeg 1999 Erleuchtung garantiert 2001 Mädchen Mädchen! 2001 Eine öffentliche Affäre, Feernsehn 2002 Am Ende des Tunnels, Feernsehn 1990-2004 Ein Fall für zwei, Feernsehfolgen 2005 Der Fischer und seine Frau 2008 Die Gustloff, Feernsehn 2010 Klimawechsel, Feernsehreeg 2011 Die Dienstagsfrauen, Feernsehn 2013 Sieben Tage Ohne, Feernsehn 2014 Meine Frau, ihr Traummann und ich, Feernsehn 2015 Silvia S. 2017 Die Reste meines Lebens 2003-17 Kommissarin Lucas, Feernsehreeg
Utteknungen 1991: Adolf-Grimme-Pries mit Sülver (tosommen mit Bernd Schadewald un Christian Redl) för hör Dorstellen in Der Hammermörder 1998: Telestar Best Hööftdorstellerin för Reise in die Nacht 2003: Düütsch Feernsehpries Best Schauspelerin Nevenrull för Männer häppchenweise 2004: Goldener Gong för de Dorstellen as Kommissarin Lucas in de Folg Vertrauen bis zuletzt 2005: 18. Feernsehfestival Rencontres Internationales de Television in Reims – Pries för de best wievlich Dorstellerin för Kommissarin Lucas in de Folg Vertrauen bis zuletzt 2005: Bayerisch Feernsehpries för hör schauspelerisch Leistung as Kommissarin Lucas in de Folgen Vergangene Sünden un Vertrauen bis zuletzt 2005: Hessisch Feernsehpries as Ensembleliddmaat vun den Film Die Konferenz 2010: Düütsch Feernsehpries as Best Schauspelerin för Klimawechsel 2012: Bayerisch Verdeenstorden
Weblinks
DNB-Katalog Demoband vun Ulrike Kriener bi schauspielervideos.de Offiziell Websteed
Enkeld Nahwiesen
Kategorie:Fru Kategorie:Börger von Düütschland Kategorie:Schauspeler Kategorie:Grimme-Pries Kategorie:Boren 1954