Oosterenn Oterndörp () weer en Gemeen in Hadeln.
Geografie
De Navergemenen weren Belen in’n Oosten, Kedenbrook un Oosterbrook in’n Süüdoosten, Neenkarken in’n Süüdwesten un Westerenn Oterndörp un de Stadt Oterndörp in’n Westen.
De Gemeen bestünn ut de Öörd Beufleet, Brüünhemm, dat Gasthuus Haadler Boom, Heimhusen, de Fabrik Kalkhütt, Kochenbüttel-Dickenhoop, Kochenbüttel vör dat Door, Mahrdörp, Mariendaal, Nackenbüttel, Oosterhoff, Pehmworth, Pieperbusch, de Slüüs, Scholen, Wellingsbüttel un Westerwöörden.
Historie
In de Tied von’n Groten Noorschen Krieg (mit de Belagerung von Stood 1712) is in’n Harvst 1713 de Pest in Hadeln utbraken. In Oterndörp mit Oosterenn Oterndörp sünd 350 Minschen doodbleven.Heiko Völker: Gesundheitspolizei vor 300 Jahren (in de Rubrik Achteran), Niederelbe-Zeitung an’n 11. April 2020, Sied 36
Verwaltungsgeschicht
In de Franzosentied von 1810 bet 1814 hett de Oort to de Mairie Oterndörp in’n Kanton Oterndörp höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 dat Kaspelsgericht Oosterenn-Oterndörp in dat Land Hadeln billt un hett denn von 1852 bet 1885 to dat Amt Oterndörp tohöört. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Gemeen is 1929 oplööst worrn. De gröttere Deel keem an de Stadt Oterndörp. Blots de Öörd Brüünhemm, Pehmworth un en Deel von Scholen sünd an de Gemeen Neenkarken afgeven worrn.
Inwahnertall
Religion
Oosterenn Oterndörp weer evangeelsch-luthersch präägt un hett to dat Kaspel von de Severus-Kark in Oterndörp höört.
Footnoten
Kategorie:Gemeen Kategorie:Landkreis Cuxhoben Kategorie:Gifft dat nich mehr