Harmsdaal () is en lütten Oort in de Gemeen Wingst (Samtgemeen Land Hadeln) in’n Landkreis Cuxhoben, Neddersassen. De Oort höört polietsch von öllers to Voigtding.

Geografie

De Naveröörd sünd Hööftgroov in’n Noorden, Oostercaadwisch in’n Noordoosten, Ohrensflucht in’n Oosten, Ohrensfluchtermoor un Schinkel in’n Süden, Dobrook in’n Westen un Watermöhl in’n Noordwesten.

Historie

De Hoff Harmsdaal is von Harm von Issendörp († 1627) grünnt worrn un hett na em sien Naam kregen.Vergessene Wohnplätze im Kirchspiel. Geschichten und Originale aus Hadeln. Blankenförde und Imbeke (1. Teil), Hadeler Kurier von’n 27. März 2013 He harr de Buurn von Blankenföör afmeiert un de Hööv to en Good tohoopfaat. Dat Good is to de Tied nee anleggt worrn. In dat 18. Johrhunnert hett dat Good denn de Hambörger Koopmann Rudolph Michael Riedel köfft,Johann Hinrich Pratje: Vermischte historische Sammlungen. 1845, Sied 599 is later denn aver an de Familie Bremer övergahn.

In Harmsdaal hett en Gasthuus stahn. Nadem dat toletzt leddig stünn, is dat Gasthuus in’n Mai 2014 utbrennt.Feuer zerstört ehemaliges Gasthaus, Cuxhavener Nachrichten von’n 25. Mai 2014

Verwaltungsgeschicht

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

An’n 1. Juni 1970 is de Gemeen Voigtding Deel von de Gemeen Wingst worrn.

Inwahnertall

Religion

Harmsdaal is evangeelsch-luthersch präägt un höört to dat Kaspel von de Nicolai-Kark in Kumbarg.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur

Verkehr

An Harmsdaal langs löppt de Bundsstraat 73, de in’n Noordwesten na Kumbarg, Oterndörp un Cuxhoben geiht un in’n Süüdoosten över Hemmoor/Basbeek/Warstood un Himmelpoorten na Stood. In’n Westen geiht de Kreisstraat 23 över Dobrook na Wittenmoor un Ellerbrook. In’n Oosten geiht de Schinkelweg na Ohrensflucht un Braak.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 35 Kilometer in’n Noordwesten von Harmsdaal. De Opfohrt 2 Stood-Süüd von de Autobahn 26 (Afsnidd Stood–Hamborg) liggt jüstso wied in’n Süüdoosten.

De nächste Bahnhoff is so bi twee Kilometer wied weg in’n Noorden de Bahnhoff Wingst an de Nedderelvbahn.

Footnoten

Kategorie:Oort Kategorie:Landkreis Cuxhoben