Austood () is en Oort in de Gemenen Bülkau un Belen (Samtgemeen Land Hadeln) in’n Landkreis Cuxhoben, Neddersassen.
Geografie
Austood liggt an dat linke Över von de Au.
De Naveröörd sünd Diekslipp in’n Noorden, Neehuus un Intzenbüttel in’n Noordoosten, Bullenwinkel in’n Oosten, Westercaadwisch in’n Süüdoosten, Au in’n Süden, dat Noordenn von Bülkau mit Spreng in’n Süüdwesten un Kedenbrook in’n Noordwesten.
Historie
Verwaltungsgeschicht
De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
Inwahnertall
Bülkau:
Kedenbrook:
Religion
Austood is evangeelsch-luthersch präägt un höört to dat Kaspel von de Johannis-Kark in Bülkau un de Jürgen-Kark in Kedenbrook.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
Verkehr
De Dörpstraat von Austood löppt von Noord na Süüd. In’n Noorden geiht se an de Landsstraat 144 ran, de denn wedder in Neehuus an de Bundsstraat 73 ran geiht. In’n Süden geiht de Dörpstraat na Au, Bülkau un Kumbarg.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 22 Kilometer in’n Noordwesten von Austood.
De nächste Bahnhoff is so bi söss Kilometer wied weg in’n Oosten de Bahnhoff Kumbarg an de Nedderelvbahn. Bet 1991 harr noch de Bahnhoff Neehuus apen, de blots twee Kilometer weg weer.
Footnoten
Kategorie:Oort Kategorie:Landkreis Cuxhoben Kategorie:Oort, dör den en Verwaltungsgrenz löppt