Westeresch () is en Dörp un Oortschop in de Gemeen Scheeßl in’n Landkreis Rodenborg, Neddersassen. To de Oortschop Westeresch höört blangen Westeresch sülvs ok Wenkeloh mit to.

Geografie

De Naveröörd sünd Sootel in’n Noorden, Wenkeloh un Helsch in’n Noordoosten, Büschelskamp in’n Oosten, Scheeßl in’n Süüdoosten, Westerholt in’n Süüdwesten un Hetzweeg, Wittkopsbossel un Olenhöben in’n Noordwesten.

Historie

Westeresch kummt 1128 toeerst in de Oorkunnen vör.

In de Franzosentied von 1810 bet 1814 hett de Oort to de Mairie Groot Zittens in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to dat Amt Rodenborg tohöört. Na 1885 weer dat in’n Kreis Rodenborg. 1977 is dat Deel von’n ne’en, grötteren Kreis Rodenborg worrn.

Von 1964 bet 1974 weer de Gemeen Westeresch Maat von de Samtgemeen Scheeßl. De Oort is an’n 1. März 1974 mit de Gemeenreform in Neddersassen Deel von de Gemeen Scheeßl worrn. Dorbi sünd de Gemeen Westeresch un de Samtgemeen Scheeßl oplööst worrn. Binnen de Gemeen Scheeßl billt dat Dörp nu en Oortschop mit egen Oortsbörgermeester un en Oortsraad mit fiev Liddmaten.

In’n Tweten Weltkrieg sünd ölven Soldaten ut Westeresch fullen oder vermisst.http://www.denkmalprojekt.org/2009/scheessel_kirche_wk1u2_ns.htm

Inwahnertall

Religion

Westeresch is evangeelsch-luthersch präägt un höört to dat Kaspel von de Lucas-Kark in Scheeßl. Fröher hett de Oort to dat Kaspel von de Dionysius-Kark in Zittens höört.

Oortsbörgermeesters

Tied Börgermeester Partei opstunns Heiko Cordes

Kultur

Gedenktafeln för de Fullenen ut de twee Weltkrieg’ hängt in Scheeßl in de Kark.

Verenen

Westeresch hett en egene freewillige Füürwehr, de 1901 grünnt worrn is, un en Schüttenvereen, de 1922 grünnt worrn is.

Weertschop un Infrastruktur

Verkehr

Dör Westeresch löppt de Kreisstraat 225, de in’n Noorden na Sootel löppt un in’n Süden an de Landsstraat 131 ran geiht. De L 131 geiht denn in’n Süüdoosten wieder na Scheeßl an de Bundsstraat 75 un in’n Noordwesten dör Hetzweeg un Abbendörp na Elsdörp un dor över de Opfohrt 48 Elsdörp an de Autobahn 1 ran (ölven Kilometer wied weg von Westeresch).

De nächste Bahnhoff is so bi fiev Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen.

Footnoten

Kategorie:Oort Kategorie:Landkreis Rodenborg (Wümm)