Neenkroog () is en lütten Oort in de Gemeen Hambargen (Samtgemeen Hambargen) in’n Landkreis Oosterholt, Neddersassen. De Oort hett polietsch von öllers bi Heißenbuttel mit bihöört.
Geografie
De Naveröörd sünd Wallhöben in’n Noordoosten, Heißenbuttel in’n Oosten, Heilsdorp in’n Süden, Hambargen in’n Westen un Bullwinkel in’n Noordwesten.
Historie
In de Franzosentied von 1810 bet 1814 hett de Oort to de Mairie Hambargen in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Vaagdie Hambargen von dat Amt Oosterholt tohöört. Na 1885 weer dat in’n Kreis Oosterholt. 1932 is dat Deel von’n ne’en, grötteren Kreis Oosterholt worrn.
Vondaag is dat Raadhuus von de Gemeen Hambargen in Neenkroog un dor sünd ok en Reeg Supermärkt ansiedelt.
Inwahnertall
Religion
Neenkroog is evangeelsch-luthersch präägt un höört to dat Kaspel von de Cosmae-un-Damiani-Kark in Hambargen.
För de Kathoolschen is de Hillige-Familie-Kark in Oosterholt-Scharmbeek tostännig.
Weertschop un Infrastruktur
Verkehr
Neenkroog liggt an de Bundsstraat 74, de in’n Noordoosten över Kuhs un Basdaal na Bremervöör geiht un in’n Süüdwesten na Oosterholt-Scharmbeek un Bremen-Noord. In Neenkroog geiht na Noordwesten de Landsstraat 128 von de B 74 af, de na Hambargen un Lübbs föhrt.
De Opfohrt 16 Bremen-Noord op de Autobahn 27/270 liggt so 18 Kilometer in’n Süüdwesten von Neenkroog.
De nächste Bahnhoff is so bi veer Kilometer wied weg in’n Süüdwesten de Bahnhoff Olenbüttel an de Bahnlien Bremen–Bremerhoben.
Footnoten
Kategorie:Oort Kategorie:Landkreis Oosterholt