mini|hochkant|Claude Criquielion (2014) Claude Criquielion (* 11. Januar 1957 in Lessines; † 18. Februar 2015 in Aalst) weer en belgisch Radrennfohrer. Sien Profi-Karriere fung1979 an un gung bit 1991. In de Tiet hett he 57 Siege errungen. He weer 1984 Weltmeester in't Straatenrennen.
Biographie Criquielion fung sien Profiloopbahn 1979 bo dat belgisch Radsportteam Kas-Campagnolo an.
Sien grööttste Spood weer de Titelgewinn bi de Profiweltmeesterschapen in Barcelona 1984, bi de he 14 Sekunn vör Claudio Corti dat Teel recken dee. De Versöök dissen Spood noch mal to schaffen misslung bi de Weltmeesterschapen 1988 in Ronse, as he in en dree Mann stark Tippgrupp kört vör dat Teel mit Steve Bauer annanner raaken dee un to Fall keem, so dat de an den Stört nich bedeeligt Maurizio Fondriest Weltmeester wurr. Criquielion, de dör den Stört blots up Platz 11 keem, hett Bauer ansluutend ahn Spood verklagt. http://www.cyclingnews.com/news/claude-criquielion-dies-aged-58, Claude Criquielion dies aged 58, Herutgever: cyclingnews.com, van' 18. Februar 2015, afropen an' 22. Februar 2015 (engelsch)
Criquielion hett tüschen 1979 un 1990 jedes Johr de Tour de France bestreeden un kunn de Runfohrt elf Mal bit to Enn' dörfohren, dorünner fiev Mal ünner de best Teihn. Sien best Platzeeren gelung hüm dorbi 1986, as he in de Gesamtwertung up den fievten Platz keem. De best Platzeeren bi de anner Grand Tours reck he as Dart vun de Vuelta a España 1980 un as Söbent vun de Giro d’Italia 1989.
Ok bi de Klassikern weer Criquielion spoodriek. So wunn he 1987 de Flannern-Rundfohrt as ok 1985 un 1989 den La Flèche Wallonne.
To de Saison 2000 övernehm he den Posten vun den Sportdirekter bi dat Team Lotto,http://autobus.cyclingnews.com/results/2001/tour01/results/results_stage_17.shtml, Lotto wins second stage in three days, Herutgever cyclingnews.com (engelsch) wo he bit Enn' vun de Saison 2004 bleev. 2005 wurr he Sportlich Direkter vun de belgisch Mannschap Landbouwkrediet-Colnago, bi de ok sien Söhn Mathieu as Radrennfohrer beschäftigt weer.
An' 18. Februar 2015 is Criquielon an den Folgen vun en Slaganfall storven.http://www.radsport-news.com/sport/sportnews_91522.htm, Claude Criquielion an den Folgen eines Schlaganfalls gestorben, Herutgever: radsport-news.com, van' 18. Februar 2015, afropen an' 22. Februar 2015 Sien Familie hett en Organspende tostimmt.
Wat he schafft hett 1979 Setmana Catalana Escalada a Montjuïc
1982 Piel vun Brabant
1983 Clásica San Sebastián
1984 Straatenweltmeester GP Eddy Merckx Escalada a Montjuïc
1985 La Flèche Wallonne Polynormande1986 Tour de Romandie GP Midi Libre
1987 Flannern-Rundfohrt
1988 GP Midi Libre
1989 La Flèche Wallonne
1990 Belgischer Meester - Straatenrennen
Teams 1979: KAS-Campagnolo 1980: Splendor-Admiral 1981: Splendor-Wickes 1982: Splendor-Wickes 1983: Splendor-Euroshop 1984: Spenco 1985: Hitachi-Splendor 1986: Hitachi-Marc-Splendor 1987: Hitachi 1988: Hitachi-Bosal 1989: Hitachi 1990: Lotto-Super Club 1991: Lotto-Super Club
Weblenken Claude Criquielion in de Datenbank vun de Tour de France (franzöösch) Claude Criquielion in de Datenbank vun Radsportseiten.net
Enkeld Nahwiesen
Kategorie:Mann Kategorie:Börger von Belgien Kategorie:Radrennfohrer (Belgien) Kategorie:Boren 1957 Kategorie:Storven 2015