thumb|Flögelünnersiet vun Limenitis lorquini Limenitis lorquini is en Bottervagel (Dagfalter) ut de Familie de Eddelfalter (Nymphalidae). Dat Oort-Epitheton ehrt den franzööschen Entomoloog Pierre Joseph Michel Lorquin.www.lensjoy.com
Markmalen Falter De Falter recken en Flögelspannwiet vun 51 bit 67 Millimeter.www.butterfliesandmoths.org De Grundfarv vun de Flögelböversiet vun all Flögels is swaart un vun en breet witt Querband dörtrucken, dat blots dör swaart Adern ünnerbraaken is. En witt Diskalfleck is swaaker utbildt. Oorttypisch is en länglich orangebruun Fleck dicht an den Apex vun de Vörderflögl. De Flögelünnersiet wiest en rootbruun Grundfarv mit ähnlich witt Tekenelementen as de Böversiet.
Ei De Eier sünd blass gröön farvt, schimmern licht sülvern un wurrn eenzeln an de Ünnersiet vun de Nehrensplant afleggt.
Ruup Utwussen Rupen hemm en afwesseln bruunelk un wittelk Farv. De Kopp is bruun un drocht twee lütt, dunkel, zackte Höörns. In de Midden vun den Abdomen befind sück en saddelförmig Utbuchten. In dat Gesamtutsehn stellen se en Vagelschiet-Mimese dor.Raupe
Pupp De saddelförmig Utbuchten vun de Ruup is bi de Pupp düchtig düütlich höckeroordig utbildt. De Grundfarv is wittgrau. Flögelscheeden un Höcker sünd dunkler graubruun.Puppe
Verbreeden un Levensruum Limenitis lorquini kummt in de westlich Bundsstaaten vun USA as ok den westlichen Provinzen vun Kanada vörwww.nic.funet.fi un besiedelt hööftsächlich Barg- und Stroomdaalen, Lichtungen, Waldränder as ok Aaftgoordens.
Levenswies De Oort bild in de nördlich Regionen en Generatschoon in een Johr, deren Falter vun Juni bit August fleegen. In Kalifornien wurrn mehrere Generatschonen bild, de vun April bit Oktober fleegen. De Falter suugen to de Upnahm vun Nehren an Blööten, af un an ok an Exkrementen. De Ruupen nehren sück vun de Blööt vun verscheeden Planten, dorto tellen Prunus-, Wilgen- (Salix), un Pappeloorten (Populus). De jewiels letzte Generatschoon överwintert half utwussen in en Hibernarium.
Belege Eenkeld Nahwiesen James A. Scott: The Butterflies of North America., S. 262-263, Stanford University Press, Stanford, Kalifornien 1986, ISBN 0-8047-1205-0
Literatur James A. Scott: The Butterflies of North America. Stanford University Press, Stanford, Kalifornien 1986, ISBN 0-8047-1205-0
Weblenken
Kategorie:Nymphalidae