Tamdhu is en Whisky-Brenneree in Knockando, Morayshire, Schottland. Se liggt in de Naverschop to de Destillen Knockando, Cardhu un Dailuaine. De Naam kummt ut dat Gäälsche un heet so veel as „lütten düsteren Hövel“Beschrieven op Edrington Group . Dat Besökerzentrum vun de Brenneree is in de schottischen Denkmollisten in de Kategorie C insorteert.Indrag in de schottischen Denkmollisten.
Historie De Destille is 1897 grünnt worrn un weer al twee Johren later an de Highland Distillers & Co verköfft. Twüschen 1927 un 1947 weer de Produkschoon stillleggt. 1951 is de Molteree nee maakt worrn un 1972 is de Tall vun de Brennblasen op veer vergröttert worrn. Wietere twee sünd dree Johren later inboet worrnVorstellung auf Scotchwhisky.netVorstellung auf Whiskiesofscotland.com. As de Highland Distillers opköfft worrn is, hett Tamdhu nu to de Edrington Group höört. 2010 is se wedder stillleggt worrn un is denn in’n Juni 2011 vun den unafhangigen Affüller Ian MacLeod köfft worrnThe Herald: Ian Macleod cheered by acquisition of Tamdhu, de 2012 de Produkschoon wedder opnahmen hettIngvar Ronde: Malt Whisky Yearbook 2014. Mag Dig Media, Shrewsbury 2013, ISBN 978-0-9576553-0-0, S. 188.Tamdhu Distillery Launches A Dram Fine Whisky Fete.
Produkschoon De Tamdhu-Destille höört to dat schottische Whiskyrebeet Speyside. Ehr Water stammt ut de Tamdhu-Springs. Brennt warrt in dree wash stills un dree spirit stills. Tamdhu is een vun de wenigen Destillen, de ok hüüt noch sülvst en Molteree bedrievt, un vör allen de eenzige Speyside-Destille, de ehrn egenen Bruuk an Molt vullstännig sülvst afdecken deit. Bito versorgt se noch annere Brennereen vun de Edrington GroupM. Jackson: Whisky. Dorling Kindersley Verlag, München 2008, ISBN 978-3-831-00764-6, S. 155..
De Tamdhu warrt vör allen för de Produkschoon vun Blend-Whiskys bruukt, as to’n Bispeel för The Famous Grouse, Cutty Sark oder J&B. De eerste Single-Malt-Whisky ut de Brenneree keem 1976 op’n Markt. Butendem gifft dat den Whisky ok vun unafhangige Affüllers.
Kiek ok List vun de schottischen Brennereen
Borns
Kategorie:Whiskybrenneree Kategorie:Whiskymarke Kategorie:Schottland