Hans Berner (* 31. Juli 1885 in Steinbach-HallenbergAus den ostpreußischen Heimatkreisen. in Das Ostpreußenblatt. Johrgang 13, Folg 20, 19. Mai 1962, Sied 12; † 17. April 1962 in Hannover) weer en düütschen Verwaltungsbeamten.
Berner is 1885 as Söhn von Max Berner (later Oberverwaltungsgerichtviezpräsident) in Steinbach-Hallenberg boren. He hett Juristeree studeert un is 1907 Gerichtsreferendar worrn.Acta Borussica, Band 11/II 1912 is he Regerungsassesser un Hülpsarbeider bi dat Landraadsamt von’n Kreis Ottweiler worrn un 1913 bi dat Landraadsamt von’n Kreis Leh. In’n Eersten Weltkrieg weer he in en Feldattillerie-Regiment un weer toletzt Hauptmann. In’n Dezember 1918 hett he bi de Regerung in Königsbarg anfungen un is 1919 Regerungsraad worrn. 1921 hett he kommissarsch dat Amt as Landraad von’n Kreis Goldap övernahmen un is dor 1922 richtigen Landraad worrn. An’n 22. Juli 1932 hett he den Posten as kommissarschen Polizeipräsident in Königsbarg övernahmen un weer denn von’n 4. Oktober 1932 bet 29. November 1933 richtigen Polizeipräsident. To dit Datum is he von de Natschonalsozialisten in einstweiligen Rohstand versett worrn. In’n Februar 1934 is he Oberverwaltungsgerichtsraad in Berlin worrn un in’n Dezember 1941 Richter an’n Rieksverwaltungsgerichtshoff in Berlin. Von Januar 1940 bet 1945 weer he aver an dat Binnenministerium afkummandeert. Na’n Tweten Weltkrieg hett em de Regerungspräsident Wilhelm Ellinghaus na Hannover haalt. In’n März 1946 is he toeerst Verwaltungsgerichtsdirekter worrn, en poor Weken later Regerungsdirekter un denn Viezpräsident von de Regerung in Hannover. 1951 is he in Rohstand gahn. Na disse Tied weer he in’t Präsidium von’n DRK-Landsverband Neddersassen.
1917 hett he Elisabeth Mittmann freet. De beiden harrn twee Döchter.
Warken
Die Meierhöfe, Kötner- und Beibauerstellen in Bessinghausen und Börry, Amt Grohnde, Kreis Hameln-Pyrmont. Niedersächsischer Landesverein für Familienkunde, Hannover 2007 Schwarzrotgoldene Schubertiade. Türmer, München 1959 Gawaiten, Kreis Goldap. Ein Beitrag zur Geschichte des Dorfes, namentlich zur Entwicklung seines bäuerlichen Besitzes. Verwaltungsamt d. Reichsbauernführers, Reichshauptabt. 1, Gosler 1937 Aufsätze zur Geschichte des Kreises Goldap. [Heimatvereen], Goldap 1934 Die Besiedelung der Kirchspiele Szittkehmen und Dubeningken. [Polizeipräsidium], Königsbarg 1932 Die Behling's in Hajen und Polle. Sülvsverlag, Goldap 1929 Stammfolge des Geschlechtes Berner II aus Keßlar in Thüringen. Sülvsverlag, Goldap 1926, 2. Oplaag Stammfolge der Familie Berner II. aus Keßlar in Thüringen. C. A. Starke, Görlitz 1913
Footnoten
Kategorie:Mann Kategorie:Beamten Kategorie:Boren 1885 Kategorie:Storven 1962 Kategorie:Börger von Düütschland