duum|Ian Somerhalder (Juni 2013) Ian Joseph Somerhalder (* 8. Dezember 1978 in Covington, Louisiana, USA) is en US-amerikaanschen Schauspeler un ehmolig Model.
Leven un Wark Somerhalder stammt vun franzöösche, engelsche, irische un indiaansche Vörfahren afBiografie: Zur Person von Ian Somerhalder op bunte.de, afropen an’n 19. August 2012. Sien Vadder is Boarchitekt. Sien Mudder is op en Swienhoff opwossen un arbeit as Massaaschtherapeutsche. De beiden hebbt sik scheden laten, as he 13 Johr oolt weer. An sik is sien Nanaam „Hull“, de Naam „Somerhalder“ is dorgegen de Naam vun den Mann, de dör Adopschoon to sien Grootvadder worrn is.
As Kind hett Somerhalder en kathoolsche School besöcht. Mit Ünnerstütten vun sien Mudder füng he in’t Öller vun teihn Johren an, as Model to arbeiten. Dorbi weer he ünner annern för Calvin Klein, Dolce & Gabbana, Gucci, Versace un Guess to sehn. Dorna hett he mit de Schauspeleree anfungen. In New York City hett he mit 18 Johren en Utbilln as Schauspeler dörlopen. 2004 harr he en bedüdene Rull in de Feernsehreeg Lost, de he in de eersten Staffel speelt hett. Dat glieke Johr weer he ok in en Nevenrull in de Feernsehreeg Smallville to sehn. Siet 2009 speelt he in de Fantasy-Reeg Vampire Diaries de Rull vun Damon Salvatore.
Blangen sien Arbeit sett sik Somerhalder in verscheden Organisatschonen för’t Wohren vun de Seen in un ünnerstütt de Organisatschoon „Love Letters to the South“, de Bedrapene vun den Hurrikan Katrina finanziell hülpen deit. As he 2010 de Naklapp vun de Öölkatastrooph in’n Gulf vun Mexiko sehn hett, hett he sien amerikaanschen Kollegen dorto opropen, jemehr Bekanntheit för en Spennenakschoon to brukenIan Somerhalder: Hollywood soll bei Ölpest helfen. Vör en poor Johren hett he ok sülvst en Organisatschoon grünnt, de ünner den Naam Ian Somerhalder Foundation sünners för den Deerschuul aktiv is, aver ok annere Projekten ünnerstütt.
In’n Oktober 2014 hett Somerhalder bekannt geven, dat he mit de Schauspelersche Nikki Reed tohopen isProSieben/red! vun’n 9. Oktober 2014.
Filmografie (Utwahl) Johr Titel Synchroonsnacker 2000 Young Americans, Feernsehreegdt.: Rawley High – Das erste Semester Johannes Raspe 2001 Anatomy of a Hate Crime, Feernsehn 2001 Life as a Housedt.: Das Haus am Meer Dirk Meyer 2002 Changing Hearts 2002 The Rules of Attractiondt.: Die Regeln des Spiels Kim Hasper 2004 Smallville, Feernsehepisoden Johannes Raspe 2006 Pulsedt.: Pulse – Du bist tot bevor du stirbst! Ozan Ünal 2006 The Sensation of Sight 2007 Marco Polo, Feernsehn Ozan Ünal 2008 The Lost Samaritan Florian Hoffmann 2008 Lost City Raiders, Feernsehn Ozan Ünal 2009 Wake Florian Hoffmann 2009 The Tournament Gerrit Schmidt-Foß 2004-10 Lost, Feernsehreeg Ozan Ünal 2010 How to Make Love to a Woman 2014 The Anomalydt.: Anomaly – Jede Minute zählt Alexander Doering 2009-17 The Vampire Diaries, Feernsehreeg Ozan Ünal
Utteken För sien Film- und Feernseharbeiten is Somerhalder bit hüüt (Stand Februar 2015) al söventeihn mol för Priesen vörslahn. Mit ölven dorvun is he uttekent worrn, so as to’n Bispeel: 2002: mit den Young Hollywood Award in de Kategorie Exciting New Face – Male 2006: mit den Screen Actors Guild Award in de Kategorie Rutragen Dorstellen vun en Ensemble in en Dramareeg för Lost 2011: mit den Teen Choice Award in de Kategorie Choice TV Actor: Fantasy/Sci-Fi för The Vampire Diaries 2013: mit den Teen Choice Award in de Kategorie Choice TV Actor: Fantasy/Sci-Fi för The Vampire Diaries 2015: mit den People’s Choice Awards in de Kategorie Leefst Feernsehpoor för The Vampire Diaries
Borns
Weblenken
Kategorie:Schauspeler Kategorie:Börger von de USA Kategorie:Mann Kategorie:Boren 1978