Franz Fromme (* 17. Mai 1910 in Lüchtringen; † 24. Januar 2012http://www.nw-trauer.de/Traueranzeige/Franz-Fromme) weer en plattdüütschen Schriever.
Fromme is 1910 as Söhn von Veronika, borene Gulhoff, un den Postschaffner Franz Fromme in Lüchtringen boren.http://www.tah.de/heimatverbundenengagiertviel.html Na de kathoolsche Volksschool in Lüchtringen un dat König-Willem-Gymnasium in Höxter hett he 1931 bi de Verwaltung von dat Amt Höxter-Land anfungen to arbeiden. 1933 is he Inspektorenanwärter för den gehobenen Deenst worrn. Later is he Baas von dat Ordnungsamt ween.http://www.nw-news.de/owl/kreis_hoexter/hoexter/hoexter/3550150_Franz_Fromme_liebt_sein_Land.html In’n Tweten Weltkrieg weer he von 1939 bet 1945 Soldaat un weer in Russland un Frankriek. He is twee Maal swoor verwunnt worrn. An’t Enn von’n Krieg weer he as Ünneroffzeer in dat Lazarett in Lippstadt. Dor is he in’n April 1945 rutkamen. Na’n Krieg weer he von 1948 af an Amtsinspekter bi dat Amt Höxter-Land un na 1970 Stadtoberamtsraad in de Stadt Höxter. 1973 is he in Rohstand gahn. He weer von 1954 bet 1969 Viez-Gemeendirekter in Höxter. Von 1951 bet 2008 weer he Oortsheimatpleger in Lüchtringen. He hett ok de Lüchtringer Heimatblätter rutgeven.
1996 hett he dat Bundsverdeenstkrüüz an’t Band kregen. 2010 hett he ok den Düütschen Börgerpries kregen.http://www.owzzumsonntag.de/?show_artikel=30891&suchwort=h%F6xter
1939 hett he Luzie Korte freet. De beiden harrn söven Kinner.
Warken
Lüchtringen, Grenzdorf zwischen Weser und Solling. Heimatgeschichte. 1980 Alt-Lüchtringen und seine Meyer-Höfe. Textteil. 1984 Alt-Lüchtringen und seine Meyer-Höfe. Bildmaterial. 1984 Halderkeoken un wat süss in Lüchtringen vorr hundert Johren up’n Disch kamm. Heimat- u. Verkehrsverein Lüchtringen, Lüchtringen 1997, ISBN 3-9805898-0-3
Footnoten
Weblenken
Kategorie:Mann Kategorie:Schriever Kategorie:Plattdüütsch Kategorie:Dräger vun’t Bundsverdeenstkrüüz Kategorie:Boren 1910 Kategorie:Storven 2012 Kategorie:Börger von Düütschland