Johann Meyerdiercks (* 10. August 1826 in Leessem; † 29. August 1906 ok dor) weer en plattdüütschen Schriever.
Meyerdiercks is 1826 as dat twete von söss Kinner von Catrine Magdalene, borene Schaden (17. Januar 1795-30. Juni 1865), un Tönjes Diedrich Meyerdiercks (25. April 1798-18. November 1881) in Leessem boren un an’n 20. August in de Martinskark döfft worrn.http://www.online-ofb.de/famreport.php?ofb=lesum&ID=I058196 He is later Bäcker un Koopmann ween. Von 1875 af an harr he sien Bäckeree an de hüdige Straat An de Leessemer Kark 21. Dat Wahnhuus stünn glieks blangenan An de Leessemer Kark 19. He hett dor ünner annern Tweeback backt, dat as Proviant för Scheep bruukt worrn is.http://www.heimatverein-lesum.de/app/download/6120572981/LesumerBote65.pdf?t=1351284196
Blangenbi hett he ok plattdüütsche Riemels schreven un welk von de Gedichten 1885 in sien Book Lesumer Gedanken rutbröcht.
He hett an’n 16. September 1858 in Massel Gesina Margaretha Meyerholz (19. August 1831-11. Januar 1897) freet. De beiden harrn de Kinner Tönjes Diedrich (17. Dezember 1859-17. Januar 1867), Christian Friedrich (14. Juli 1861-29. Dezember 1865) un Catharine Magdalene Christine (24. Februar 1866-2. November 1934).
Meyerdiercks is 1906 in Leessem doodbleven un dor ok begraven worrn.
Warken
Lesumer Gedanken. Plattdeutsche Dichtungen. Sülvsverlag, Leessem 1885
Kiek ook bi
List vun plattdüütschen Schrievers
Footnoten
Weblenken
Kategorie:Mann Kategorie:Schriever Kategorie:Plattdüütsch Kategorie:Boren 1826 Kategorie:Storven 1906 Kategorie:Börger von Düütschland