De Samtgemeen Sürsen () weer en Rebeetsverband in’n Landkreis Bremervöör (vondaag Landkreis Rodenborg). De Samtgemeen is an’n 29. Juni 1965 ut de Gemenen Sürsen, Fehrenbrook, Granst, Haßel, Lahmst, Ochenhusen, Ohrel, Parnwinkel, Rockst, Godenst un Grafel billt worrn. Dat weren also toeerst ölven Gemenen.
1967 hebbt sik de beiden Gemenen Deins un Malst ok anslaten. Gliektiedig is de Gemeen Fehrenbrook Deel von de Gemeen Grafel worrn. Nu weren dat also twölv Gemenen. 1970 sünd denn ok noch de Gemenen Annerlingen un Seedörp Deel von de Samtgemeen worrn.
Mit de Kommunalreform in Neddersassen von’n 1. März 1974 is de Samtgemeen denn wedder oplööst worrn. De lüttjeren Gemenen sünd an gröttere anslaten worrn un ut de Gemenen von de ole Samtgemeen is tohoop mit de Gemenen Byhusen, Farm, Sandbossel, Oostereis, Rhaar un Rohreis de ne’e, gröttere Samtgemeen Sürsen billt worrn.
De Samtgemeenraad harr 28 Liddmaten.
Samtgemeenbörgermeesters
1965–1972: Heinrich Lauenstein 1972–1974: Detlef Hesse
Samtgemeendirekters
1965–1974: Helmut Claus
Kategorie:Landkreis Rodenborg (Wümm) Kategorie:Gifft dat nich mehr