Wilhelm Friedrich Ernst Eisendecher (* 24. Juli 1813 in Emden; † 22. Dezember 1887 in Neehuus) weer en düütschen Verwaltungsbeamten.
Eisendecher is 1813 as Söhn von’n Major un Ünnerpräfekt Eisendecher in Emden boren. He weer von’n 23. April 1830 bet to’n 16. Februar 1833 op de Kloosterschool IlfeldJahresbericht über die Königliche Klosterschule zu Ilfeld von Ostern 1905 bis Ostern 1906. Louis Hofer, Göttingen 1906, Sied 46 un hett sik an’n 20. Oktober 1822 an de Universität Göttingen inschreven. He hett dor bet 1825 Juristeree studeert. En Deel von sien Studientied hett he sik ok in Russland ophollen. He weer Maat von dat Corps Hannovera Göttingen un en Tied lang dor Senior.Kösener Corpslisten 1960, 42, 277.Heinrich Ferdinand Curschmann: Blaubuch des Corps Hannovera (1809–1899). Göttingen 2002, Nr. 260 Na dat Studium güng he in’n hannöverschen Verwaltungsdeenst.
Eisendecher is 1828 Auditer bi dat Amt Niestadt worrn, keem 1842 as Assesser in dat Amt Maanze, 1846 in dat Amt Herzberg un 1850 in dat Amt Bilderlahe. 1856 bet 1865 is he Amtmann von dat Amt Bokeln ween un 1865 bet 1868 von dat Amt Wittmund. Von 1868 bet 1885 weer he Amtshauptmann von dat Amt Neehuus un Kreishauptmann von’n Kreis Neehuus.
Footnoten
Kategorie:Mann Kategorie:Beamten Kategorie:Boren 1813 Kategorie:Storven 1887 Kategorie:Börger von Düütschland