Saans weer en Gemeen in de Samtgemeen Hagen in’n Landkreis Cuxhoben in Neddersassen mit 1638 Inwahners.
Geografie
De Navergemenen weren Lox in’n Noorden, Driftseth in’n Noordoosten, Hagen op en lütt Enn in’n Oosten, Uthleer in’n Süüdoosten, Swonewebel (Landkreis Oosterholt) op en lütt Enn in’n Süden, Braak in’n Westen un Stadland in’n Noordwesten (de letzten beiden op de anner Sied von de Werser in’n Landkreis Wersermasch).
Historie
De Gemeen Saans hett sik 1968 ut de olen Gemenen Saans, Weersbe, Rechtenfleth un Offenwarden billt. An’n 1. März 1974 is dor ok noch Wortfleet tokamen. Ans hebbt to de Gemeen ok noch Rechtebe, Saanstermoor un Offenwardermoor tohöört.
Von 1971 af an weer de Gemeen Deel von de Samtgemeen Hagen.
An’n 1. Januar 2014 is de Gemeen Saans denn tohoop mit de ganze Samtgemeen Hagen oplööst un Deel von de ne’e Gemeen Hagen worrn. Binnen de Gemeen Hagen is de vörige Gemeen op de fiev Oortschoppen Saans, Rechtenfleth, Offenwarden, Weersbe un Wortfleet opdeelt worrn.
Inwahnertall
Politik
Gemeenraad
Börgermeesters
Zeit Börgermeester Partei -2006 Gerd Meyer CDU 2006-31. Dezember 2013 Werner Strauch SPD
Wapen
Dat Wapen von de Gemeen wiest vörn op blauen Grund en sülvern Aadler mit gollen Klauen, rode Tung un en gollen Hilligenschien. Achtern wiest dat op sülvern Grund över en blaue Wellenlien en grönen Linnentelg mit ölven Bläder.
De Aadler steiht attributiv för Johannes den Döper, den Naampatroon von de Johannes-de-Döper-Kark. De Telg kummt ut dat Wapen von de Familie von Witmar un de Wellenlien steiht för de Werser.
Weblenken
Websteed vun de Samtgemeen (hoochdüütsch)
Kategorie:Landkreis Cuxhoben