duum|Brannon Braga bi en Vördrag 2006 in Reykjavík, Iesland Brannon Braga (* 14. August 1965 in Bozeman, Montana) is en US-amerikaanschen Dreihbookschriever un Filmproduzent.
Leven un Wark Braga hett an de Kent State University in’n Santa Cruz County studeert. He hett toeerst en Musikvideo produzeert un keem denn to Anfang vun de föfften Staffel as Story Editor in de Filmkru vun Star Trek: The Next Generation. Gau weer he en nafraagten Dreihbookschriever un Produzent vun de Feernsehreeg un hett dorna ok tallrieke Dreihböker to de Reeg Star Trek: Voyager bistüert.
Tosamen mit Ronald D. Moore un Rick Berman schreev Braga denn ok de Dreihböker to de Star-Trek-Speelfilmen Generations (1994) un The First Contact (1996). Vun 2001 an weer he mit Rick Berman Produkschoonsleiter un Schöpper vun de föfften Star-Trek-Reeg Star Trek: Enterprise
Blangen sien Arbeiten in’t Star-Trek-Universum hett Braga ok noch annere Projekten hatt. So weer he Co-Schriever bi den Actionfilm Mission: Impossible II un 2005/06 Produzent vun de Science-Fiction-Reeg Threshold. 2008 weer he in dat Team vun de Feernsehreeg 24 un produzeer 2009/10 tosamen mit David S. Goyer de Feernsehreeg FlashForward.
Braga, de 2000 för korte Tiet mit de Schauspelersche Jeri Ryan tosamen weer, leevt hüüt in Canton in’n US-Bundsstaat Ohio.
Filmografie (Utwahl) Johr Titel Funkschoon 1990-94 Star Trek: The Next Generation, Feernsehreegdt.: Raumschiff Enterprise – Das nächste Jahrhundert ProduzentDreihbook 1994 Star Trek: Generationsdt.: Star Trek: Treffen der Generationen GeschichtDreihbook 1996 Star Trek: First Contactdt.: Star Trek: Der erste Kontakt GeschichtDreihbook 2000 Mission: Impossible II Geschicht 1995-2001 Star Trek: Voyager, Feernsehreegdt.: Star Trek: Raumschiff Voyager ProduzentDreihbook 2001-05 Star Trek: Enterprise, Feernsehreeg ProduzentDreihbook 2005-06 Treshold, Feernsehreegdt.: Nemesis – Der Angriff ProduzentDreihbook 2009-10 24, Feernsehreeg ProduzentDreihbook 2009-10 FlashForward, Feernsehreeg ProduzentDreihbook
Utteken Braga is bit hüüt (Stand: Januar 2013) negen mol för Film- un Feernsehpriesen vörslahn wesen, dorünner eenmol för den Primetime Emmy för sien Dreiböker in de Feernsehreeg Star Trek: The Next Generation. Wunnen hett he bit nu twee Priesen: 1995: den Universe Reader’s Choice Award in de Kategorie Best Dreihbook vun en Genre-Speelfilm för Star Trek: Generations (tosamen mit Ronald D. Moore) 1995: den Hugo Award in de Kategorie Best dramaatsche Präsentatschoon för Star Trek: The Next Generation (tosamen mit Ronald D. Moore un Winrich Kolbe)
Weblenken
Kategorie:Dreihbookschriever Kategorie:Filmproduzent Kategorie:Börger von de USA Kategorie:Mann Kategorie:Boren 1965