De evangeelsch-luthersche Karkenkreis Veern is en Karkenkreis in Neddersassen. He höört bi’t Sprengel Stood von de Evangeelsch-luthersche Landskark Hannover. To’n Karkenkreis Veern höört üm un bi 70.000 Liddmaten op en Rebeed von 787,7 km² in 23 Kaspels. Supperndent is Elke Schölper. De Karkenkreis hett sien Seet in de Strukturstraat 12 in Veern.
Geografie
De Karkenkreis Veern liggt in’t Zentrum von Neddersassen. Dat Rebeed is de Landkreis Veern.
De Karkenkreis Veern grenzt in’n Noorden an’n Karkenkreis Oosterholt, in’n Noordoosten an’n Karkenkreis Rodenborg, in’n Süüdoosten an’n Karkenkreis Wasra (in’n Sprengel Lümborg), in’n Süüdwesten an’n Karkenkreis Syke-Hejen (in’n Sprengel Ossenbrügge) un in’n Noordwesten an dat Rebeed von de Breemsche Evangeelsche Kark.
Geschicht
Bet 1936 hett de Karkenkreis to’n Sprengel Stood tohöört un is denn Deel von’n ne’en Sprengel Veern-Hejen worrn. De Sprengel is 1956 wedder oplööst worrn un Veern keem trügg an’n Sprengel Stood.
Supperndenten
1971-Juli 1986: Johannes Künkel Februar 1987-: Peter Tidow 2001-2011: Dieter Rathing 2011-: Elke Schölper
Karkengemenen in’n Karkenkreis Veern
Laurentius-Kark in Achem Kark to’n goden Heer in Ädelsen Kark in Bauen Kark in Blenner Sigismund-Kark in Dauben Cosmae-un-Damiani-Kark in Dörbern Petri-Kark in Eiten Leevfroon-Kark in Hu’e Michaelis-Kark in Intschen Petri-Kark in Kerklinneln Cosmas-un-Damian-Kark in Lunsen Kark in Öste Christophorus-Kark in Otterbarg Martin-Kark in Otterst Lukas-Kark in Postdörp Andreas-Kark in Rier Maria-Magdalenen-Kark in Thänhusen Doom in Veern Andreas-Kark in Veern Johannis-Kark in Veern Nikolai-Kark in Veern Annen-Kark in Wessen Jacobi-Kark in Wittloh
Weblenken
Websteed von’n Karkenkreis (hoochdüütsch)
Kategorie:Karkenkreis Kategorie:Landkreis Veern Kategorie:Evangeelsch-luthersch