De evangeelsch-luthersche Karkenkreis Wersermünn-Süüd weer en Karkenkreis in Neddersassen. He hett bi’n Sprengel Stood von de Evangeelsch-luthersche Landskark Hannover höört. To’n Karkenkreis Wersermünn-Süüd hebbt toletzt üm un bi 30.000 Liddmaten in 14 Kaspels höört. He harr sien Seet in Beverst.
Geografie
De Karkenkreis Wersermünn-Süüd leeg in’n Noordoosten von Neddersassen. Dat Rebeed weer de Süden von’n Landkreis Cuxhoben.
De Karkenkreis Wersermünn-Süüd hett in’n Noorden an’n Karkenkreis Wersermünn-Noord grenzt, in’n Oosten an’n Karkenkreis Bremervöör-Zeven, in’n Süden an’n Karkenkreis Oosterholt-Scharmbeek, in’n Westen güntsiet de Werser an’n Karkenkreis Wersermasch von de Evangeelsch-luthersche Kark in Ollnborg un in’n Noordwesten an’n Karkenkreis Bremerhoben.
Geschicht
De Karkenkreis is 1940 billt worrn, as de Karkenkreise Geestmünn, Leh un Land Wusten oplööst un op de Karkenkreise Bremerhoben, Wersermünn-Süüd un Wersermünn-Noord nee opdeelt worrn sünd.
De Karkenkreis is to’n 1. Januar 2013 mit’n Karkenkreis Wersermünn-Noord dör Fusion tohoopgahn un billt nu den Karkenkreis Wersermünn.
Supperndenten
1965–1976: Werner Schröder 1992–: Christoph Bölsing 2001–Januar 2010: Dieter Brandes August 2012–31. Dezember 2012: Heike Burkert
Karkengemenen in’n Karkenkreis Wersermünn-Süüd
Fabian-un-Sebastian-Kark in Beverst Johannes-de-Döper-Kark in Bexhöv Jacobi-Kark in Braamst Hillige-Dree-Köngen-Kark in Bramel Marien-Kark in Büttel Martin-Luther-Kark in Hagen Marien-Kark in Lox Ansgari-Kark in Luunst Kark in Oolluunbarg Johannes-de-Döper-Kark in Saans Margarethen-Kark in Stotel Nicolai-Kark in Uthleer Marien-Kark in Weersbe Lucia-Kark in Wolsbuddel
Literatur
Fünfzig Jahre Kirchenkreis Wesermünde Süd. 1990
Weblenken
Websteed von’n Karkenkreis (hoochdüütsch)
Kategorie:Karkenkreis Kategorie:Landkreis Cuxhoben Kategorie:Evangeelsch-luthersch Kategorie:Gifft dat nich mehr