David "Dave" Zabriskie (* 12. Januar 1979 in Salt Lake City, Utah) is en ehmalger US-amerikaansch Profi-Radrennfohrer. He is 1,83 m groot un weggt 67 kg.
Karriere In de Jahren 2001 bit 2004 fohr he för dat US Postal Team, van 2005 bit 2007 weer he Liddmaat vun dat däänsch Team CSC. Siet 2008 fohrt he vör dat Team Garmin-Cervélo.
To sien gröttste Erfolgen bit 2006 tellen en Etappensieg bi de Vuelta a España (2004), de Gewinn vun de 8. Deelstreck (Eenzeltietfohren) bi de Giro d’Italia 2005 un vun dat Uptakttietfohren bi de Tour de France in dat Johr 2005 as ok de Sülvermedaille in dat Eenzeltietfohren bi de Straaten-Weltmeesterschap 2006. Zabriskie weer US-amerikaansch Meester in dat Eenzeltietfohren 2000 (U 23), 2004 un 2006.
In de folgend Johren kunn he jeweils den Titel vun den Natschonalmeester in dat Eenzeltietfohren verteidigen (2007-2009). 2009 wunn he todem to’n eersten Mal in sien Karriere en Rundfohrt, de Tour of Missouri. Den Grundsteen för den Gesamtsieg hett he up de darde Deelstreck mit en överleegen Sieg in dat Tietfohren leggt. Nahdem he toletzt veer Mal nah’nanner natschonaler Meester in’t Eenzeltietfohren weer, hett Zabriskie 2010 vun en mögelk Titelverteidigung affsehn.
Vun den Fohrertypus is Zabriskie to de Tietfohrer to tellen. In disse Disziplin hörrt he siet Johren to de Besten vun sien Sport.
2005 hett he sien Fru Randi heiraadt.
Wat he schafft hett 2004 US-amerikaansch Meester – Eenzeltietfohren 1. Deelstreck (Manschapstietfohren) un 11. Deelstreck Vuelta a España
2005 1. Deelstreck Tour de France (Eenzeltietfohren) 8. Deelstreck Giro d’Italia (Eenzeltietfohren)
2006 US-amerikaansch Meester – Eenzeltietfohren Prolog un 3. Deelstreck (Eenzeltietfohren) Dauphiné Libéré Platz 2 Tietfohren - Straatenweltmeesterschap
2007 US-amerikaansch Meester – Eenzeltietfohren
2008 een Deelstreck Tour de Georgia (Mannschapstietfohren) een Deelstreck Giro d'Italia (Mannschapstietfohren) US-amerikaansch Meester – Eenzeltietfohren
2009 US-amerikaansch Meester – Eenzeltietfohren 5. Deelstreck (Eenzeltietfohren) un Gesamtwertung Tour of Missouri
2010 3. Deelstreck Tour of California
2011 een Deelstreck Tour de Romandie (Eenzeltietfohren) een Deelstreck Tour of California (Eenzeltietfohren) US-amerikaansch Meester – Eenzeltietfohren
Teams 2000 7 UP-Colorado Cyclist 2001-2002 US Postal Service 2003-2003 US Postal Service-Berry Floor 2005-2007 Team CSC 2008-2011 Team Garmin-Cervélo
Weblenken
Offiziell Siet vun David Zabriskie Fahrerprofil im Internet Archive David Zabriskie in de Datenbank vun Radsportseiten.net
Kategorie:Mann Kategorie:Börger von de USA Kategorie:Radrennfohrer (USA) Kategorie:Boren 1979